ଲବଲୀନା ବରଗୋହେନ: ଭାରତୀୟ ବକ୍ସର୍
ଲବଲୀନା ବରଗୋହେନ (ଜନ୍ମ : ୨ ଅକ୍ଟୋବର ୧୯୯୭) ଜଣେ ଭାରତୀୟ ବକ୍ସର । ସେ ୨୦୨୦ ଟୋକିଓ ଅଲିମ୍ପିକରେ ମହିଳାଙ୍କ ୬୪-୬୯କେଜି ବିଭାଗରେ ପ୍ରତିଦ୍ୱନ୍ଦିତା କରି ବ୍ରୋଞ୍ଜ ପଦକ ଜିତିଥିଲେ । ସେ ୨୦୧୮ ଓ ୨୦୧୯ ମସିହାରେ ମହିଳା ବିଶ୍ୱ ବକ୍ସିଂ ଚାମ୍ପିୟନସିପରେ ମଧ୍ୟ ବ୍ରୋଞ୍ଜ ପଦକ ଜିତିଥିଲେ । ପ୍ରଥମ ଭାରତ ଓପନ ବିଶ୍ୱ ବକ୍ସିଂ ଚାମ୍ପିୟନସିପ ପ୍ରଥମ ସଂସ୍କରଣରେ ସେ ସ୍ୱର୍ଣ୍ଣ ପଦକ ଓ ଦ୍ୱିତୀୟ ସଂସ୍କରଣରେ ରୌପ୍ୟ ପଦକ ଜିତିଥିଲେ । ୨୦୨୦ ମସିହାରେ ୬୯କିଗ୍ରା ଓଜନ ବିଭାଗରେ ତାଙ୍କର ବିଶ୍ୱ ରାଙ୍କ ତୃତୀୟ ରହିଥିଲା । ଅଲିମ୍ପିକ ପ୍ରତିଯୋଗୀତାରେ ଅଂଶଗ୍ରହଣ କରିବାରେ, ସେ ଥିଲେ ଆସାମ ରାଜ୍ୟର ପ୍ରଥମ ମହିଳା । ୨୦୨୦ ମସିହାରେ ତାଙ୍କୁ ଅର୍ଜୁନ ପୁରସ୍କାରରେ ସମ୍ମାନୀତ କରାଯାଇଥିଲା । ଏହି ପୁରସ୍କାର ପାଇବାରେ ସେ ଆସାମର ଷଷ୍ଠ ଖେଳାଳି ଥିଲେ ।
| ଲବଲୀନା ବରଗୋହେନ | |||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
.JPG) | |||||||||||||||||||||||||||||||||
| ପରିସଂଖ୍ୟାନ | |||||||||||||||||||||||||||||||||
| Weight class | ୬୪-୬୯ କିଗ୍ରା | ||||||||||||||||||||||||||||||||
| ଓଜନ ବିଭାଗ | ୬୯ କିଗ୍ରା | ||||||||||||||||||||||||||||||||
| ଉଚ୍ଚତା | ୧. ୭୮ ମି | ||||||||||||||||||||||||||||||||
| ଜାତିୟତା | ଭାରତୀୟ | ||||||||||||||||||||||||||||||||
| ଜନ୍ମ | ୨ ଅକ୍ଟୋବର ୧୯୯୭ ଗୋଲାଘାଟ, ଆସାମ, ଭାରତ | ||||||||||||||||||||||||||||||||
Medal record
| |||||||||||||||||||||||||||||||||
ପ୍ରାରମ୍ଭିକ ଜୀବନ
ଲବଲୀନା ୧୯୯୭ ମସିହା ଅକ୍ଟୋବର ୨ ତାରିଖରେ ଆସାମର ଗୋଲାଘାଟଠାରେ ଜନ୍ମଗ୍ରହଣ କରିଥିଲେ । ତାଙ୍କ ପିତାଙ୍କ ନାମ ଟିକେନ ଓ ମାତାଙ୍କ ନାମ ମାମୋନୀ ବରଗୋହେନ । ତାଙ୍କ ପିତା ଜଣେ କ୍ଷୁଦ୍ର ବ୍ୟବସାୟୀ । ତାଙ୍କ ଦୁଇ ଯମଜ ବଡ଼ ଭଉଣୀ ଲିଚା ଓ ଲିମା ଜାତୀୟ ସ୍ଥରର କିକବକ୍ସିଂ ଖେଳାଳି ଥିଲେ । ବଡ଼ ଭଉଣୀମାନଙ୍କ ଭଳି ଲଭଲୀନା ମଧ୍ୟ କିକବକ୍ସିଂ ଖେଳ ଆରମ୍ଭ କରିଥିଲେ ଓ ପରେ ବକ୍ସିଂଙ୍କୁ ଆସିଥିଲେ । ତାଙ୍କ ସ୍କୁଲ ବଡ଼ପଥର ହାଇସ୍କୁଲରେ ଭାରତୀୟ କ୍ରୀଡ଼ା ପ୍ରାଧିକରଣଦ୍ୱାରା କରାଯାଇଥିବା ଏକ ଟ୍ରାୟଲ କ୍ୟାମ୍ପରେ ଲଭଲୀନା ଭାଗନେଇଥିଲେ । ସେଠାରେ ତାଙ୍କ ପ୍ରତିଭା ସମସ୍ତଙ୍କର ଦୃଷ୍ଟି ଆକର୍ଷଣ କରିଥିଲା । ୨୦୧୨ ମସିହାରୁ ସେ କୋଚ ପଦୂମ ଚନ୍ଦ୍ର ବୋଡ଼ଙ୍କଠାରୁ ଭାରତୀୟ କ୍ରୀଡ଼ା ପ୍ରାଧିକରଣରେ ପ୍ରଶିକ୍ଷଣ ଲାଭ କରିଥିଲେ । ପରେ ସେ ସନ୍ଧ୍ୟା ଗୁରୁଙ୍ଗଙ୍କଦ୍ୱାରା ପ୍ରଶିକ୍ଷିତ ହୋଇଥିଲେ ।
ଖେଳ ଜୀବନ
- ବ୍ରୋଞ୍ଜ ପଦକ - ଏସିଆନ ବକ୍ସିଂ ଚାମ୍ପିୟନସିପ ନଭେମ୍ବର, ୨୦୧୭
- ବ୍ରୋଞ୍ଜ ପଦକ - ପ୍ରେସିଡେଣ୍ଟସ କପ ଜୁନ, ୨୦୧୭
- ସ୍ୱର୍ଣ୍ଣ ପଦକ - ଭାରତ ଓପନ ଆନ୍ତର୍ଜାତୀୟ ବକ୍ସିଂ ଚାମ୍ପିୟନସିପ ୨୦୧୮
- ରୌପ୍ୟ ପଦକ - ଉଲାନବାତାର କପ, ମାଙ୍ଗୋଲିଆ ଜୁନ,୨୦୧୮
- ଆନ୍ତର୍ଜାତୀୟ ସିଲେସିଆନ ଚାମ୍ପିୟନସିପ, ପୋଲାଣ୍ଡ ସେପ୍ଟେମ୍ବର, ୨୦୧୮
- ବ୍ରୋଞ୍ଜ ପଦକ - ଟୋକିଓ ଅଲିମ୍ପିକ, ଅଗଷ୍ଟ ୨୦୨୧
ଟୋକିଓ ଅଲିମ୍ପିକ ୨୦୨୦
୨୦୨୦ ଟୋକିଓ ଅଲିମ୍ପିକରେ ଲବଲୀନା ନିଜର ଶ୍ରେଷ୍ଠ ଖେଳ ପ୍ରଦର୍ଶନ କରି ଭାରତ ପାଇଁ ଏକ ବ୍ରୋଞ୍ଜପଦକ ଜିତିଥିଲେ । ସେ ପ୍ରାରମ୍ଭିକ ରାଉଣ୍ଡରେ ଜର୍ମାନ ବକ୍ସର ନାଦୀନ ଆପ୍ଟେଜ ଓ ତାଇୱାନ ବକ୍ସର ଚେନ ନିନ-ଚେନଙ୍କୁ ପରାସ୍ତ କରି ନିଜ ପାଇଁ ଏକ ପଦକ ନିଧାର୍ଯ୍ୟ କରିଥିଲେ । ସେମିଫାଇନାଲରେ ସେ ବିଶ୍ୱର ଏକ ନମ୍ବର ମାନ୍ୟତାପ୍ରାପ୍ତ ତୁର୍କୀର ବକ୍ସର ବୁସେନାଜ ସୁରମେନେଲିଙ୍କଠାରୁ ପରାସ୍ତ ହୋଇଥିଲେ ଓ ବ୍ରୋଞ୍ଜପଦକ ହାସଲ କରିଥିଲେ ।
ସମ୍ମାନ ଓ ପୁରସ୍କାର
- ଅର୍ଜୁନ ପୁରସ୍କାର - ୨୦୨୦
- ଟୋକିଓ ଅଲିମ୍ପିକରେ ବ୍ରୋଞ୍ଜ ପଦକ ଜିତିଥିବାରୁ
- ୩୦ ଲକ୍ଷ ଟଙ୍କା ଭାରତ ସରକାରଙ୍କ ତରଫରୁ ପୁରସ୍କାର
- ୫୦ ଲକ୍ଷ ଟଙ୍କା ଆସାମ ସରକାରଙ୍କ ତରଫରୁ ପୁରସ୍କାର
ଆଧାର
ବାହାର ଆଧାର
- Lovlina Borgohain Profile Page:238
This article uses material from the Wikipedia ଓଡ଼ିଆ article ଲବଲୀନା ବରଗୋହେନ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.