ତିନି ତଲାକ ହେଉଛି ଭାରତରେ ପ୍ରଚଳିତ ମୁସଲିମ ଆଇନ ଅନ୍ତର୍ଗତ ତୁରନ୍ତ ବିବାହ ବିଚ୍ଛେଦ ସମ୍ବନ୍ଧିତ ଏକ ପ୍ରାବଧାନ । ବିଶେଷଭାବେ ହନାଫି ସୁନ୍ନି ଇସଲାମିକ ପନ୍ଥାର ଅନୁଗାମୀମାନେ ଏହି ନ୍ୟାୟିକ ପରମ୍ପରାରେ ବିଶ୍ୱାସ କରନ୍ତି । ଉକ୍ତ ପ୍ରାବଧାନ ପ୍ରକାରେ ମୁସଲମାନ ପୁରୁଷଟିଏ ମାତ୍ର ତିନିଥର ତଲାକ (ଆରବୀ ଭାଷାରେ ବିବାହ ବିଚ୍ଛେଦର ପ୍ରତିଶବ୍ଦ ) ଶବ୍ଦ ଉଚ୍ଚାରଣ କରି (ମୌଖିକ, ଲିଖିତ କିମ୍ବା କୌଣସି ଇଲେକ୍ଟୋନିକ ଉପକରଣ ମାଧ୍ୟମରେ) ନିଜ ସ୍ତ୍ରୀକୁ ଆଇନତଃ ଛାଡପତ୍ର (ବିବାହବେଚ୍ଛେଦ) ଦେଇପାରିବେ । ଅବୈଧ ଘୋଷିତ ହୋଇଥିବା ଏହି ତିନି ତଲାକକୁ ପୁଣିଥରେ ଚାଲୁ କରିବାକୁ କ୍ୟାବିନେଟ ମଞ୍ଜୁରୀ ମିଳିଯାଇଛି ।
ମୁସଲମାନ ଧର୍ମାବଲମ୍ବୀମାନଙ୍କ ପାରିବାରିକ ମାମଲା ସବୁ "Muslim Personal Law"ର ବିଭିନ୍ନ ପ୍ରବଧାନଦ୍ୱାରା ପରିଚାଳିତ । ମୁସଲିମ ବ୍ୟକ୍ତିଗତ ଆଇନ ବ୍ରିଟିଶ ଅମଳର Government of India Act, 1935 କାର୍ଯ୍ୟକାରୀ ହେବା ପର ପ୍ରଥମ ଅଧିନିୟମ । ତା ପୂର୍ବରୁ ପ୍ରଚଳିତ "Anglo-Mohammedan Law" ବଦଳରେ ଭାରତରେ "Muslim Personal Law" ବା The Muslim Personal Law (Shariat) Application Act, 1937 (ଶାରିୟତ)ର ପ୍ରଚଳନ ହେଲା । ହାନାଫି ସୁନ୍ନୀ ମୁସଲିମ ଗୋଷ୍ଠିର ନ୍ୟାୟ ଶାସ୍ତ୍ରବେତ୍ତାଙ୍କ ମତରେ ତିନି ତଲାକ କେବଳ ସେତେବେଳେ ବୈଧ ଯଦି ଏହା ମୁସଲମାନ ସାକ୍ଷୀଙ୍କ ଉପସ୍ଥିତିରେ ଉଚ୍ଚାରିତ ତଥା ଶାରିୟା ଅଦାଲତଦ୍ୱାରା ଅନୁମୋଦିତ ।
ତିନି ତଲାକ ଭଳି ବ୍ୟବସ୍ଥାକୁ All India Muslim Personal Law Boardର, ଯିଏକି ମୁସଲିମ ବ୍ୟକ୍ତିଗତ ଆଇନର ତର୍ଜମା ତଥା ଅନୁମୋଦନ କରେ, ଯୁକ୍ତି ଅନୁସାରେ ତିନି ତଲାକ ହେଉଛି ମୁସଲିମ ବ୍ୟକ୍ତିଗତ ଆଇନ ତଥା ଧାର୍ମିକ ବ୍ୟାପାରର ଅନ୍ତର୍ଗତ ଏବଂ ସେଇଥିପାଇଁ ରାଜ୍ୟ ସରକାର ଏଭଳି ଧାର୍ମିକ ବ୍ୟାପାରରେ ହସ୍ତକ୍ଷେପ କରିପାରିବେ ନାହିଁ । ତିନି ତଲାକ ସପକ୍ଷରେ ଯୁକ୍ତି ବାଢୁଥିବା ଆଇନଜ୍ଞ କପିଳ ଶିବଲଙ୍କ ମତରେ ଭାରତର ସମ୍ବିଧାନର ଧାରା ୩୭୧(କ) ଅନୁଯାୟୀ ମୁସଲିମମାନଙ୍କର ବ୍ୟକ୍ତିଗତ ଆଇନ ତଥା ଧାର୍ମିକ ପରମ୍ପରାରେ ସରକାରଙ୍କର ହସ୍ତକ୍ଷେପ ସମ୍ବିଧାନ ବିରୋଧୀ । .
ନିକଟରେ ଭାରତର ଉଚ୍ଚତମ ନ୍ୟାୟାଳୟ ତିନି ତଲାକକୁ ଅସାମ୍ବିଧାନିକ ତଥା ଅବୈଧ ଘୋଷଣା କରିଛନ୍ତି ।
ଏହି ପ୍ରସଙ୍ଗଟି ଅସମ୍ପୂର୍ଣ୍ଣ ଅଟେ । ଆପଣ ଏହାକୁ ସଂପୂର୍ଣ୍ଣ କରି ଉଇକିପିଡ଼ିଆକୁ ସମୃଦ୍ଧ କରିପାରିବେ । |
This article uses material from the Wikipedia ଓଡ଼ିଆ article ତିନି ତଲାକ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.