ଆତିୟା ସେଟ୍ଟି (ଜନ୍ମ: ୫ ନଭେମ୍ବର ୧୯୯୨) ଜଣେ ଭାରତୀୟ କଥାଚିତ୍ର ଅଭିନେତ୍ରୀ ଯିଏକି ହିନ୍ଦୀ କଥାଚିତ୍ରରେ ଅଭିନୟ କରନ୍ତି । ସେ ଅଭିନେତା ସଲମାନ ଖାଁଙ୍କ ନିର୍ଦ୍ଦେଶିତ ହିନ୍ଦୀ କଥାଚିତ୍ର ହିରୋ ଜରିଆରେ ହିନ୍ଦୀ କଥାଚିତ୍ର ଜଗତରେ ୨୦୧୫ରେ ଅଭିନୟ ଆରମ୍ଭ କରିଥିଲେ । ଏହି ଚଳଚ୍ଚିତ୍ରରେ ଅଭିନୟ ପାଇଁ ଆତିୟା ଦାଦାସାହେବ ଫଲକ ପୁରସ୍କାର ପାଇବା ସହ ଫିଲ୍ମଫେୟାରରେ ଶ୍ରେଷ୍ଠ ନବାଗତା ଭାବରେ ମନୋନୀତ ହୋଇଥିଲେ ।
ଆତିୟା ସେଟ୍ଟି | |
---|---|
ଜନ୍ମ | ଆତିୟା ସେଟ୍ଟି ୫ ନଭେମ୍ବର ୧୯୯୨ |
ଜାତୀୟତା | ଭାରତୀୟ |
ବୃତ୍ତି | ଅଭିନେତ୍ରୀ |
ସକ୍ରିୟ ବର୍ଷ | ୨୦୧୫–ଏବେଯାଏଁ |
ପିତାମାତା(s) | ସୁନୀଲ ସେଟ୍ଟି (ବାପା) ମାନା ସେଟ୍ଟି (ମାଆ) |
ସମ୍ପର୍କୀୟ | ଆହାନ ସେଟ୍ଟି (ଭାଇ) |
ୱେବସାଇଟ | www.athiyashetty.com |
ଆତିୟା ୫ ନଭେମ୍ବର ୧୯୯୨ରେ ମୁମ୍ବାଇରେ ଜନ୍ମଗ୍ରହଣ କରିଥିଲେ । ତାଙ୍କ ପିତା ସୁନୀଲ ସେଟ୍ଟି ଜଣେ ଭାରତୀୟ କଥାଚିତ୍ର ଅଭିନେତା ଏବଂ ମାଆ ମାନା ସେଟ୍ଟି ଜଣେ ନିର୍ଦ୍ଦେଶିକା । ସେ ପଞ୍ଜାବୀ, ଗୁଜୁରାତି ଏବଂ ତୁଲୁ ବଂଶଧର । ତାଙ୍କ ବାପା ତୁଲୁ ବଂଶରୁ ଏବଂ ମାଆ ପଞ୍ଜାବୀ ଏବଂ ଗୁଜରାଟ ବଂଶଧର ।
ଆତିୟା ପ୍ରଥମେ କାଥେଡ୍ରାଲ୍ ଏଣ୍ଡ ଜନ୍ କୋନୋନ୍ ସ୍କୁଲରେ ପଢ଼ୁଥିଲେ ଏବଂ ପରେ ଆମେରିକାନ୍ ସ୍କୁଲ ଓଫ୍ ବମ୍ବେକୁ ସ୍ଥାନାନ୍ତରିତ ହୋଇଥିଲେ । ସେହି ସ୍କୁଲରେ ଆତିୟାଙ୍କ ସହ ଅଭିନେତ୍ରୀ ଶ୍ରଦ୍ଧା କପୁର ଏବଂ ଅଭିନେତା ଟାଇଗର ଶ୍ରଫ୍ ପଢ଼ୁଥିଲେ । ଚଳଚ୍ଚିତ୍ରରେ ଅଭିନୟ କରିବାର ଇଚ୍ଛା ପାଇଁ ସେ ୧୮ ବର୍ଷ ବୟସରେ ନିଉ ୟର୍କ ଫିଲ୍ମ ଆକାଡେମିରେ ପଢ଼ିବାକୁ ଏକୁଟିଆ ନିଉ ୟର୍କ ଯାଇଥିଲେ ।
୨୦୧୫ରେ ଆତିୟା ସଲମାନ ଖାଁଙ୍କ ପ୍ରଯୋଜିତ ଚଳଚ୍ଚିତ୍ର ହିରୋ ଜରିଆରେ ହିନ୍ଦୀ କାଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଥିଲେ ନିଖିଲ ଆଡ୍ଭାନୀ । ଏହି ଚଲଚ୍ଚିତ୍ରରେ ଆତିୟାଙ୍କ ସହ ନାୟକ ଭୂମିକାରେ ଅଭିନୟ କରିଥିଲେ ଅଭିନେତା ଆଦିତ୍ୟ ପଞ୍ଚୋଲିଙ୍କ ପୁଅ ସୂରଜ ପଞ୍ଜୋଲି । ପୂର୍ବରୁ ବିବାଦରେ ଛନ୍ଦି ହୋଇଯାଇଥିବା ସୂରଜ ମଧ୍ୟ ଏହି ଚଳଚ୍ଚିତ୍ର ଜରିଆରେ ଅଭିନୟ ଜୀବନ ଆରମ୍ଭ କରିଥିଲେ । ଏହି ଚଳଚ୍ଚିତ୍ର ପାଇଁ ଆତିୟାଙ୍କୁ ଦାଦାସାହେବ ଫଲକ ପୁରସ୍କାର ମିଳିବା ସହ ଫିଲ୍ମଫେୟାରରେ ଶ୍ରେଷ୍ଠ ନବାଗତା ଭାବରେ ମନୋନୀତ କରାଯାଇଥିଲା । ଏହି ଚଳଚ୍ଚିତ୍ରରେ ଆତିୟାଙ୍କର ଅଭିନୟ ପାଇଁ କିଛି ସମୀକ୍ଷକମାନେ ମଧ୍ୟ ତାଙ୍କୁ ଆହୁରି ଅନେକ କିଛି ଶିଖିବାର ଅଛି ବୋଲି ମନ୍ତବ୍ୟ ଦେଇଥିଲେ । ତାଙ୍କର ପ୍ରଥମ ଚଳଚ୍ଚିତ୍ରର ମୁକ୍ତିଲାଭ ପରେ ସେ ମେବେଲାଇନ୍ ନିଉ ୟର୍କର ଭାରତୀୟ ମତାଧିକାରର ମୁଖ୍ୟ ବାର୍ତ୍ତାବହ ଭାବରେ କାର୍ଯ୍ୟ କରିଥିଲେ । ଏଥିସହ କିଛି ଭାରତୀୟ ବଡ଼ ବଡ଼ ପତ୍ରିକାର ପ୍ରଥମ ପୃଷ୍ଠାରେ ମଧ୍ୟ ନଜର ଆସିଥିଲେ ।
୨୦୧୭ ଜୁଲାଇରେ ଆତିୟାର ୨ୟ ଚଳଚ୍ଚିତ୍ର ମୁବାରକନ୍ ମୁକ୍ତିଲାଭ କରିବାର ଅଛି । ଏହି ଚଳଚ୍ଚିତ୍ରରେ ଆତିୟାଙ୍କ ସହ ଅଭିନେତା ଅନୀଲ କପୁର, ଅର୍ଜୁନ କପୁର, ଅଭିନେତ୍ରୀ ଇଲିଆନା ଡିକ୍ରୁଜ୍ ପ୍ରମୁଖ ଅଭିନୟ କରିଛନ୍ତି ।
This article uses material from the Wikipedia ଓଡ଼ିଆ article ଆତିୟା ସେଟ୍ଟି, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.