Pont
Un pont (Guernésiais : pont, paont) est eune structuthe êl'vée sait natuthelle sait d'faichon qu'nou fait sèrvi pouor crouaîsi, par exempl'ye, dé l'ieau, un creux, un c'mîn ou aut' embronque.
Ch't' articl'ye fut c'menchie en Jèrriais |
Des ponts natuthels
Un pliat rotchi ou eune banque dé galet ou d'tèrre ou d'sablion tchi lyie deux pliaiches peuvent êt' un pont.
Y'a des rotchièrs et d's îlots tchi sont liés à la grève au bas dg'ieau par un pont. Lé Pont du Châté dans la Baie d'la Ville en Jèrri est un pont natuthel tch'a 'té amendé et pavé pouor aîdgi la crouaîs'sie du sablion entre la Ville et l'Châté Lîzabé.
Des ponts d'faichon
Les preunmié ponts bâtis 'taient sans doute des grandes branques ou des bouais abbattus faits sèrvi pouor crouaîsi des russieaux et cannieaux. La plianque qu'nou vait acouo dans des prés est un sîmpl'ye pont d'chutte faichon.
La Plianque Billot à Saint Hélyi 'tait la crouaîs'sie du russé du but d'la Ville où'est qu'Mess Billot avait sa plianque.
Réféthence
- Jersey Place Names, Saint Hélyi, La Société Jersiaise, 1986 ISBN 978-0-901897-17-6
Viyiz étout
This article uses material from the Wikipedia Nouormand/Normaund article Pont, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contenu est disponible sous licence CC BY-SA 4.0 sauf mention contraire. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nouormand/Normaund (DUHOCTRUNGQUOC.VN) is an independent company and has no affiliation with Wiki Foundation.