Sild

Prototip oli langenii pu ühtes randaspäi toižhe. Sauvoškanzihe sildoid suriš lugumäriš lidnoiden da torguindan šingotesen tagut.

Sauvuz oleleb jaugnikoiden, živatoiden, torvveimiden, veden i transportan täht. Letas joges, järves, sal'mes vai toižes tugeduses päliči. Sild kogoneb keskustoišpäi i tügišpäi (seibhišpäi, vajišpäi). Pätüged oma härgad, agjahižed tüged oma aluztüged ühtištumha ten pudotesenke. Sild om oiged tobjimalaz, no voib olda kover vai spiraline ku pidab. Damban vai padoseinän üläh voib kävutadas sildaks.

Letud tes päliči inženerine sauvuz om tenveim (pit'k — estakad), sauvuz vanas (laksos) vai uras päliči nimitase viadukaks. Tehtas sildoid neniš materialoišpäi: metall (teraz, alüminijan ühthesuladused), raudbeton, beton, londuseline kivi, pumaterialad, norad. Specializiruidud organizacijad-sildanjoukud saudas da kohetas sildoid. Pordaigaline sild kogoneb pulloišpäi. Sildan vajehtuz om ehtatim.

Muštatiž

• Kaidaižil laudaižil algat mängoi kohtati.

Ozoitez

• Seižub pap' sildal i kidastab: «Kaikid kuzen!». (samvar)

•  
  Ezmäine mail'mas metalline (kaugedraudaine) sild Severnas päliči
  (radoi 1781−1935, Sur' Britanii)
•  
  Kändab Pert'kulun sild, Piter (Venälaine Federacii, vspäi 1916)
•  
  Venälaine sild om kahtenz' kortte mail'mas piloniden mödhe (324 m, Vladivostok, Venälaine Federacii, vspäi 2012)
•  
  Dan'jan-Kun'šanine viaduk om kaikiš pidemb sild mail'mas (164 km), ühtenzoitab Šanhaid Nankinanke, om saudud vll 2008−2010 kiruhraudtelikundan täht, radab vspäi 2011
•  
  Vizenan raudteviaduk, Šveicarii, om saudud vll 1906−1909
•  
  Äižiruižed estakadad, Tokio