Eune grève est eune lisiéthe dé sablion, d'gravi, d'galet, ou ofûche d'êcales, entré la tèrre et la mé (ou ofûche eune riviéthe ou eune mathe).
Ch't' articl'ye fut c'menchie en Jèrriais |
Eune grève est faite par l'action des louêmes tchi laîssent tchaie du sablion ou des miettes dé rotchi ou des pièrres, mais la tchête dé falaises peut ajouôter dé tchi.
Y'en a tchi veulent dithe qué la grève încliut des mielles driéthe la grève même et des bancs d'sablion en mé l'avant à la grève même. Où'est qu'i' y'a des grandes mathées, nou peut dithe qué la grève est tout chein tch'est couvèrt et dêcouvèrt par les mathées – nou l'appelle étout l' pliein.
La pus longue grève du monde est ofûche Cox's Bazar (120 km) en Bangladesh, mais y'a des grèves tchi contcheinnent des bancs d'sablion tchi sont pus longues.
Les grèves sont împortantes dans bein des pays pouor lé tourisme. Les gens peuvent nagi, seurfer, lus solilyi, faithe des sports et des gammes et lus abuser.
Par des bords nou-s'a c'menchi à bati des grèves pouor attriotchi du monde et rêjoui l's habitants. À Paris dreinement nou-s'a fait eune grève sus les bords d'la riviéthe en Êté en freunmant les c'mîns et tchithiant du sablion. Y'a étout chein qu'nou-s'appelle des vèrtes grèves tchi sont eune manniéthe dé par en forme dé lisiéthe dé bliête lé long d'eune riviéthe ou d'eune caûchie.
This article uses material from the Wikipedia Nouormand/Normaund article Grève, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contenu est disponible sous licence CC BY-SA 4.0 sauf mention contraire. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nouormand/Normaund (DUHOCTRUNGQUOC.VN) is an independent company and has no affiliation with Wiki Foundation.