World Wide Fund For Nature

Organisasjonen sitt varemerke er ein pandabjørn.

World Wide Fund for Nature
Type	ikkje-statleg organisasjon
Skipa	29. april 1961
Hovudkontor	Gland
Leiar	Adil Najam
Verkeområde	internasjonal
Tilsette	6 000 (2021)
Nettstad	https://wwf.org/

Hovudmålet til organisasjonen var opphavleg å verne truga artar og tilhøyrande habitat, men med åra har dette vorte utvida til å omfatte naturvern på eit generelt plan. I dag blir WWF rekna for å vere den største og viktigaste naturvernorganisasjon i verda.

• Verne mangfaldet blant artar og økosystem
• Sikre berekraftig bruk av naturressursar
• Kjempe mot forureining og overforbruk av ressursar og energi

Organisasjonen har omkring 5 millionar medlemmar og 4000 tilsette globalt. WWF er representert med lokale organisasjonar i meir enn 30 land, mellom anna Noreg. I tillegg er staben engasjert i feltarbeid i meir enn 100 land. Hovudkontoret ligg i Gland i Sveits.

WWF organiserer arbeidet i seks hovudområde: Artar, ferskvatn, giftige kjemikaliar, klimaendringar, kyst, hav og skog.

I dag engasjerer WWF seg òg politisk, finansielt og innan utdanning, for å nå målsettingane sine om bevaring og naturvern. I så måte er organisasjonen òg kjent for å ha teke i bruk sivil ulydigheit for å syne synspunkta sine.

WWF-Noreg

World Wide Fund for Nature Noreg (WWF-Noreg) vart grunnlagt i 1970 med Kong Harald V (som då var kronprins) som president. I Noreg var organisasjonen tidlegare kjent under namnet Verdas villmarksfond. Den norske avdelinga hadde ca 4000 medlemmar og 15 tilsette i 2005. I 2007 var det 7000 medlemmar og 30 tilsette. Hovudkontoret i Noreg ligg i Oslo.

Generalsekretærar

• Einar Johan Johannessen
• Vera Selnes
• Stig Hvoslef
• Rasmus Hansson
• Nina Jensen

  Commons har multimedium som gjeld: World Wide Fund for Nature

• Offisiell nettstad  
• WWF Protected Areas
• WWF globale organisasjonar