Stathelle

Byen ligg på nordenden av Langesundshalvøya, der Langesundsfjorden, Frierfjorden og Eidangerfjorden møtest. Byen var tidlegare ein ladestad under Skien, og eigen kommune til 1964 då han vart ein del av Bamble kommune. Via Breviksbrua (gamle E 18, no Fv 353) og Grenlandsbrua (nye E18) har Stathelle vegsamband øver Breviksstrømmen med Porsgrunn kommune. Frå år 2000 er både Stathelle og Langesund, den andre byen i kommunen, innrekna i den samanvaksne tettstaden Porsgrunn/Skien.

Stathelle
stad
Stathelle frå Breviksbrua
Land	Noreg
Fylke	Telemark
Kommune	Bamble
Postnummer	3960 STATHELLE
Stathelle 59°02′43″N 9°41′49″E / 59.045277777778°N 9.6969444444444°E / 59.045277777778; 9.6969444444444
Wiki Commons: Stathelle

«Gamle Stathelle» er eit pittoresk område med tronge gater. Kommersiell sørvis er i dag samla ved «Brotorvet kjøpesenter» ved Breviksbruas søre feste, straks vest for det gamle byområdet. På Rugtvedt på vestsida av Høgenheifjellet er det eit steinaldermonument.

På Grasmyr i søre Stathelle finn ein Bamble videregående skole og Grasmyr ungdomsskole, og på Gjermundsholmen like ved gamle bydelen held Croftholmen videregående skole for yrkesfag til. Bamble kommunes bibliotek ligg på Krabberødstrand like vest for Breviksbrua.

Stathelle fekk i 1774 rettar som ladestad under Skien. Ti år seinare skreiv B. H. Løvenskiold at her budde to kjøpmenn, ein tollbetjent og to roarar. Grensene til ladestaden var snevre, og allereie på slutten av 1800-talet var det etablert forstader i vest (Krabberødstrand) og sør (Eikstrand-Eikrønningen) som til saman var om lag like folkerike som sjølve bykommunen.

Stathelle var eigen kommune fram til 1964 då han blei ein del av Bamble.

• Denne artikkelen byggjer på «Stathelle» henta frå Wikipedia på bokmål 18. april 2007.