Ål I Hallingdal: Statistisk territorialeining i Noreg

For andre tydingar av oppslagsordet, sjå Ål.

Tettstaden ligg midt i Hallingdalen, ved den austlege enden av Strandafjorden, og har 2 580 innbyggjarar per 1. januar 2023.

Ål
Sundre
tettstad
Ål sett frå Sundreberget
Land	Noreg
Fylke	Buskerud
Kommune	Ål
Areal	3,02 km²
Folketal	2 580  (2023)
Folketettleik	854 / km²
Postnummer	3570 Ål
Innbyggjarnamn	åling
Preposisjon	på Ål
Ål i Hallingdal 60°37′42″N 8°33′31″E / 60.628333333333°N 8.5586111111111°E / 60.628333333333; 8.5586111111111
Wiki Commons: Ål (village)

Størstedelen av tettstaden ligg på nordsida av Hallingdalselve, og heiter Sundre. Dei små forstadene rundt er Hago, Vestlia og Granhagen. Riksveg 7 går gjennom Ål på nordsida av elva og på sørsida ligg Ål stasjon, som er stoppestad for Bergensbanen.

Ål er eit handels- og skulesentrum, og har kulturhus, Ål kulturhus med Hallingrosa, ei utstilling av rosemålingskunst, og ei større permanent Rolf Nesch-utstilling. Her er også sjukestove med base for Norsk Luftambulanse. Avisa Hallingdølen kjem ut på Ål tre dagar i veka.

Sundre var den førande garden i Ål i mange år, og vart sentrum av di både Ål kyrkje, Ål stavkyrkje, og tingstugu vart lagt i dette området. Når lokalkjende hallingar i dag snakkar om Ål sentrum, nyttar dei framleis omgrepet «på Sundre». Folk utanfor dalen brukar gjerne nemninga «på Ål» i same tyding. Sundre er rekna til om lag rett ovanfor Ål kyrkje.