«Cook of the House»
Silly Love Songs Singel av Wings frå albumet Wings at the Speed of Sound | ||
B-side | ||
---|---|---|
Utgjeve | 1. april 1976 | |
Innspelt | 16. januar 1976 | |
Sjanger | Disco, funk | |
Lengd | 5:53 | |
Selskap | Capitol | |
Tekstforfattar | Paul McCartney | |
Låtskrivar(ar) | Paul McCartney, Linda McCartney | |
Produsent | Paul McCartney | |
Wings-kronologi | ||
«Venus and Mars/Rock Show» (1975) | Silly Love Songs | «Let 'Em In» (1976)
|
«Silly Love Songs» er ein song skriven av Paul McCartney og Linda McCartney og framført av Wings. Songen kom ut i 1976 på albumet Wings at the Speed of Sound. Songen vart gjeven ut som singel i 1976, med B-sida «Cook of the House». Songen vart skriven som eit svar til musikkritikarar som skulda McCartney for berre å skrive «dumme kjærleikssongar» og «sentimentalt kliss», og hadde òg element av disco.
Den amerikanske singelen vart gjeven ut den 1. april 1976 og låg fem veker på rad på toppen av Billboard Hot 100. «Silly Love Songs» vart òg rangert øvst på årslista til Billboard for 1976. Det var òg den andre av tre songar gruppa hadde på toppen av Easy Listening-lista. Singelen selde til gullplate i USA for meir enn ein million selde eksemplar. Billboard rangerte òg «Silly Love Songs» som den beste av alle singlane Paul McCartney gav ut på Hot 100. I 2008 vart songen rangert på 31. plassen på lista over dei beste songane på Billboard-lista gjennom tidene. I Storbritannia kom singelen ut 30. april 1976 og nådde andreplassen på UK Singles Chart.
Songen var den 27. førsteplassen til McCartney som låtskrivar, som var ny rekord for ein låtskrivar. Med denne songen vart McCartney den første personen som hadde førsteplassar på ei Billboard-årsliste som medlem av to forskjellige band. Dei første på ei slik liste var «I Want to Hold Your Hand» i 1964 og «Hey Jude» i 1968.
«Silly Love Songs» har sidan kome ut på mange samlealbum av McCartney.
I 1976 gav Wings ut eit konsertopptak av «Silly Love Songs» for det triple konsertalbumet Wings Over America. I 1984, tre år etter Wings var oppløyst, spelte Paul McCartney inn «Silly Love Songs» for filmmusikkalbumet til Give My Regards to Broad Street.
Vekeslister
| Årslister
All-time-liste
|
This article uses material from the Wikipedia Nynorsk article Silly Love Songs, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.