Serbia I Eurovision Song Contest

Serbia deltok tidlegare som ein del av Jugoslavia, sidan som ein del av Serbia og Montenegro, og frå 2007 som ein sjølvstendig nasjon. Serbia vann tevlinga på sitt aller fyrste forsøk som eigen nasjon; ingen andre land har klart å vinne Eurovision Song Contest på fyrste forsøk. Serbia har aldri kome sist, men har tre gongar ikkje kvalifisert seg til finalen.

← Serbia
RTS
Uttakingar
Nasjonalt	10
Internt	4
Deltaking
Debutår	2007
Deltakingar	14
Beste resultat
Semifinalen	1 (2007)
Finalen	1 (2007)
Verste resultat
Semifinalen	11 (2013 og 2017)
Finalen	19 (2018)
Poeng
Semifinalane	1 609
Finalane	1 583
Totalt	3 192

Serbia var tidlegare ein del av Jugoslavia, som deltok i Eurovision Song Contest frå 1961 til 1992. I 1991 lausreiv Slovenia, Kroatia, Bosnia-Hercegovina og dåverande Makedonia seg frå landet, og Serbia og Montenegro var i praksis dei einaste som deltok som Jugoslavia i Eurovision Song Contest i 1992. Åra etter og fram til 2003, fekk ikkje landet deltake i Eurovision Song Contest. Utestenginga var ein del av dei mange SN-sanksjonane mot nasjonen, på grunn av jugoslaviakrigane og den kroatiske sjølvstendekrigen.

Føderasjonen Serbia og Montenegro søkte om å få deltake i Eurovision Song Contest igjen i 2003, men Den europeiske kringkastingsunionen (EBU) avslo søknaden og begrunna det med at for mange land ville bli ståande utafor finalen om ein slapp inn fleire nye land. I 2004 innførte EBU semifinale i Eurovision Song Contest, og dimed fekk Serbia og Montenegro deltake for fyrste gong. I 2006 vart føderasjonen Serbia og Montenegro oppløyst etter ein montenegrinsk folkeavrøysting om lausrivelse. Montenegro erklærte sin sjølvstende i juni 2006, og den tidlegare føderasjonen vart delt opp i to sjølvstendige nasjonar: Montenegro og Serbia. Begge landa debuterte som sjølvstendige land i Eurovision Song Contest 2007.

Vann i debuten

I 2007 debuterte Serbia som ein sjølvstendig nasjon, og balladen til Marija Šerifović, «Molitva», vann tevlinga etter å ha fått 268 poeng. Serbia vart med det det fyrste landet til å vinner Eurovision Song Contest på fyrste forsøk, sidan Sveits vann den aller fyrste utgåva av tevlinga i 1956. Som fylgje av sigeren til Šerifović vart Eurovision Song Contest 2008 arrangert i hovudstaden til Serbia, Beograd. Som arrangør var Serbia direktekvalifisert til finalen, og det serbiske bidraget, Jelena Tomašević og songen «Oro», enda til slutt på ein sjetteplass.

I 2009 kvalifiserte ikkje Serbia seg til finalen, og to middels plasseringar følgde i 2010 og 2011. I Baku i 2012 var landets berømte songar og komponist, Željko Joksimović, tilbake og sikra Serbia ein tredjeplass i finalen. Den førebels dårlegaste plasseringa til Serbia kom året etter då Moje 3 og songen «Ljubav je svuda» berre vart nummer 11 i sin semifinale. Dette var andre gongen Serbia ikkje kvalifiserte seg. Fire år seinare, i 2017, vart rekorden tangert, då Tijana Bogićević og songen «In Too Deep» også kom på ellevteplass i sin semifinale.

I 2009 kvalifiserte ikkje Serbia seg til finalen, og to middels plasseringar følgde i 2010 og 2011. I Baku i 2012 var den kjende songaren og komponisten Željko Joksimović tilbake og sikra Serbia ein tredjeplass i finalen. Den foreløpig dårlegaste plasseringa til landet kom året etter då «Ljubav je svuda» av Moje 3 berre blei nummer 11 i den første semifinalen. Dette var andre gong Serbia ikkje kvalifiserte seg til finalen.

Etter den serbiske debuten i 2007, har Serbia berre stått utanfor tevlinga éin gong. Hausten 2013 annonserte den serbiske kringkastaren Radio-televizija Srbije (RTS) at landet ikkje kom til å deltake i tevlinga i 2014. Årsaka var den anstrengte økonomiske situasjonen til tv-kanalen og mangel på sponsorar. Men Serbia sendte alle tre showa og kom tilbake til Eurovision Song Contest igjen i 2015.

Finalane (2007–2022)

Serbia har gjeve flest poeng til # Land Poeng 01   Italia 82 02   Russland 73 03   Ungarn 68 04   Ukraina 66 05   Bosnia-Hercegovina 61

Serbia har fått flest poeng frå # Land Poeng 01   Nord-Makedonia 150 02   Montenegro 138 03   Kroatia 131 04   Slovenia 129 04   Sveits 110

Semifinalane (2007–2019)

Serbia har gjeve flest poeng til # Land Poeng 01   Nord-Makedonia 89 02   Ungarn 88 03   Kroatia 72 04   Slovenia 59 05   Montenegro 57

Serbia har fått flest poeng frå # Land Poeng 01   Slovenia 86 02   Nord-Makedonia 80 03   Frankrike 69 04   Kroatia 68 05   Montenegro 65

•  
  Marija Šerifović i Helsingfors 2007
•  
  Željko Joksimović i Baku 2012
•  
  Moje 3 i Malmö 2013
•  
  Bojana Stamenov i Wien 2015
•  
  Sanja Vučič ZAA i Stockholm 2016
•  
  Tijana Bogićević i Kiev i 2017
•  
  Sanja Ilić og Balkanika i Lisboa i 2018
•  
  Nevena Božović i Tel Aviv i 2019

• Serbia i Junior Eurovision Song Contest
• Jugoslavia i Eurovision Song Contest
• Serbia og Montenegro i Eurovision Song Contest
• Serbia og Montenegro i Junior Eurovision Song Contest