Radikale Venstre

	Radikale Venstre
	;
Land	Danmark
Partileiar(ar)	Svend Thorhauge
Grunnlagt	21. mai 1905
Hovudkvarter	Christiansborg
Medlemstal	7 491 (2020)
Ideologi	Sosialliberalisme, radikal sentrum, proeuropeisk
Politisk posisjon	sentrisme, sentrum-venstre

Radikale Venstre er med i Den liberale internasjonale og er søsterparti av Venstre i Noreg. Partiet vart grunnlagt 21. mai 1905. Formannen er Margrethe Vestager. Ved det siste folketingsvalet, i 2011, fekk partiet 9,5 % av røystene og 17 plassar i Folketinget (av 179), og vart dermed fjerde størst. Dette var det beste valresultatet for partiet sidan 1973.

Politikk

Før folketingsvalet i 2005 markerte Radikale Venstre seg i valkampen mellom anna med sterk motstand mot det som det såg som den framandfiendtlege politikken til den sitjande Venstreregjeringa til Anders Fogh Rasmussen. Det gjekk mellom anna sterkt imot restriksjonane på familiegjenforening med utanlandske ektefellar som regjeringa har innført.

I 2006 vedtok partiet ein framtidsstrategi som det kalla «En anden vej». Der ville partiet framstå som eit reelt alternativ, uavhengig av både den høgreorienterte regjeringa til Fogh Rasmussen og Sosialdemokratane. Partiet avviste samarbeid med Fogh Rasmussen, og ville køyra fram Marianne Jelved som sin statsministerkandidat ved neste folketingsval.[1] Arkivert 2007-02-04 ved Wayback Machine. Denne strategien førte ikkje til suksess.

Partiet sin ungdomsorganisasjon heiter Radikal Ungdom af 1994.

Historie

Valresultat for Radikale Venstre

Val til Folketinget 1960-2007

Årstal	Prosent av røystene	Mandat
2011	9,5 %	17
2007	5,1 %	9
2005	9,1 %	17
2001	5,2 %	9
1998	3,9 %	7
1994	4,6 %	8
1990	3,5 %	7
1988	5,6 %	10
1987	6,2 %	11
1984	5,5 %	10
1981	5,1 %	9
1979	5,4 %	10
1977	3,6 %	6
1975	7,1 %	13
1973	11,2 %	20
1971	14,4 %	27
1968	15,0 %	27
1966	7,3 %	13
1964	5,3 %	10
1960	5,8 %	11

Partileiarar

Jørgen Hald, 1905-1914
Kr. Tovborg Jensen, 1914-1920
Anders Larsen, 1920-1921
Ole Troelsen, 1921-1922
Erik Scavenius, 1922-1924
N.P. Andreasen, 1924-1929
Martin Sørensen, 1929-1936
N.C. Andersen, 1936-1937
Hans Jeppesen, 1937-1960
Helge Pedersen, 1960-1964
Søren Bjerregaard, 1964-1971
Asger Baunsbak-Jensen, 1971-1974
Gunnar Skov Andersen, 1974-1976
K. Helveg Petersen, 1976-1978
Thorkild Møller, 1978-1993
Margrethe Vestager, 1993-1997
Johannes Lebech, 1997-2000
Lone Loklindt, 2000-2001 (fungerande)
Søren Bald, 2001-

Statsministrar frå Radikale Venstre

Carl Theodor Zahle, 1909-1910 og 1913-1920
Erik Scavenius, 1942-1943
Hilmar Baunsgaard, 1968-1971

Kjelder

Bakgrunnsstoff

Partiet sine heimesider

This article uses material from the Wikipedia Nynorsk article Radikale Venstre, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.