Herning er ein by på Midtjylland i Danmark, om lag 35 kilometer vest om Silkeborg.
Byen hadde 50 531 ibuarar i 2021. Herning er kommunesenter i Herning kommune og eit viktig samferdsle-nav.
Herning | |||
by | |||
Land | Danmark | ||
---|---|---|---|
Folketal | 44 557 (2018) | ||
Herning 56°08′10″N 8°58′36″E / 56.136111111111°N 8.9766666666667°E | |||
Wiki Commons: Herning | |||
Herning er ein industriby med tekstilindustri, jarn- og maskinindustri og elektronisk industri, skulesenter og omfattande messeaktivitet. Inne i bysenteret ligg store messehallar. Store messelokale finst òg sørvest i byen, så som den såkalla Boxen, ein arena som har hyst store handballmeisterskap.
Herning Museum har utstillingar, mellom anna om kulturhistoria til heidebuararne. Danmarks Fotomuseum og lærestader som Den Danske Eksportskole, Institut for forretningsudvikling og teknologi og ein skule for tekstilteknikarar, -designarar og -leiarar. Herregarden Herningsholm hyser Blichermuseet, til minne om den landskjende diktaren Steen Steensen Blicher.
Herning opplevde sterk vekst frå midt i 1800-åra, i samband med at dei jydske heiane var dyrka opp og industrialisering kom i gong. Utviklinga av byen skaut særleg fart då jarnbanen kom i 1877. Herning fekk kjøpstads-rettar i 1913. Få kilometer søraust om byen vart det frå 1940 til -67 brote brunkol til bruk i kraftproduksjonen.
This article uses material from the Wikipedia Nynorsk article Herning, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.