Aude: Franske departement

For elva med same namn, sjå elva Aude

Aude
Wiki Nynorsk
Våpenskjoldet til Aude
Plassering
Administrasjon
Departmentnummer:	47
Region:	Languedoc-Roussillon
Préfecture:	Carcassonne
Sous-préfectures:	Limoux Narbonne
Arrondissement:	3
Kantonar:	35
Kommunar:	438
Président du conseil général:	Marcel Rainaud
Statistikk
Folketal	Rangering 50.
-1999	309 770
Folketettleik:	57/km²
Landareal¹:	6 139 km²
¹ Franske landdata, som ikkje tar med elvemunningar, innsjøar, vatn og isbrear større enn 1 km².

Departementet ligg i regionen Languedoc-Roussillon og er kalla opp etter elva med same namn.

Aude er òg eit kvinneleg førenamn som vert mykje nytta i fransktalande land.

Aude er ein av dei 83 opphavlege departementa som vart oppretta 4. mars 1790 under den franske revolusjonen. Han vart danna frå delar av den tidlegare provinsen Languedoc.

I antikken kryssa den romerske vegen Via Domitia Aude. Aude var eit senter for katarane, ei dualistisk og gnostisk kristen sekt på 900-talet.

Aude ligg mellom Middelhavet og Pyreneane. Departementet er ein del av den noverande regionen Languedoc-Roussillon og grensar til departementa Pyrénées-Orientales, Ariège, Haute-Garonne, Tarn og Hérault, med Golfe du Lion i aust.

Aude har middelhavsklima. Om hausten kan ein stundom få kortvarige, men kraftige stormar. Sommaren er ofte varm og tørr, med gode forhold for dyrking av vindruer og oliventre. I dei nordlege fjellområda Montagne Noire og dei sørlege fjella Pays de Sault kan ein derimot få låge temperatur om vinteren. Dei vestlege områda får meir nedbør enn dei austlege områda av departementet. Sentrale område, som Limouxin, Carcassonnais og Razès, er ofte utsett for vind, og departementet er eit av dei mest vindfulle i heile Frankrike. Dette kjem av fjellområda i nord og sør, som dannar ein slags korridor i dei sentrale områda.

Mellomalderbyen Carcassonne og Narbonne med sine romerske ruinar trekkjer til seg mange turistar. Andre landsbyar som er verdt eit besøk er Limoux, Quillan, Lezignan - Corbières, Lagrasse, Sigean og Leucate. Lagrasse vert rekna som ein av dei flottaste landsbyane i landet. Han ligg ved elva Orbieu og har eit kloster frå 700-talet med eit sentrum som stort sett har vore uendra sidan mellomalderen.

  Wiki Commons har multimedia som gjeld: Aude

• Offisiell nettside
• Prefekturet si nettside
• Reiseguide for Aude
• Bilete av Aude
• Stader å vitje i Aude
• Reiseguide frå francesouth.com
• Bilete av Aude-området
• Restaurantar, marked og ferieaktivitetar i Aude