Amy Deasismont: Svensk songar
Amy Linnéa Deasismont, kjend som Amy Diamond (fødd 15.
april">15. april 1992) er ein svensk-britisk songar, skodespelar og programleiar.
| Amy Deasismont | |||
 | |||
| Fødd | 15. april 1992 (32 år) | ||
|---|---|---|---|
| Fødestad | Norrköping | ||
| Fødenamn | Amy Linnéa Deasismont | ||
| Alias | Amy Diamond | ||
| Opphav | Sverige | ||
| Aktiv | 2005– | ||
| Sjanger | pop | ||
| Instrument | vokal | ||
| Plateselskap | Cosmos Music, Bonnier Amigo Music Group AB | ||
| Verka som | songar, skodespelar, kunstløpar, regissør, manusforfattar | ||
Biografi
Amy Deasismont vart fødd i Sverige, men flytte med foreldra til England i Storbritannia i barneåra. Engelsk vart difor det fyrste språket ho lærte, men ho flytte tilbake til Jönköping i Sverige som fireåring. Frå seks års alder dreiv ho med kunstløp, og ho gjekk også på danse- og teaterskule. Sommaren 1999 deltok ho i fjernsynstalentiaden Småstjärnorna, og framførte Heaven Is a Place on Earth utkledd som Belinda Carlisle. Ho enda på 3. plass i tevlinga.
I 2005 slo Amy Diamond gjennom som songar med singelen «What's In It For Me», som vart ei landeplage i Skandinavia og Baltikum. I Polen var songen den mest spelte på radio den sommaren. Singelen var med på debutplata hennar, This Is Me Now som kom ut i mai, og songane «Welcome to the City», «Shooting Star» og «Champion» var også gjeve ut på singel. Under VM i friidrett 2005 i Helsingfors var «Champion» den offisielle VM-låta til det svenske laget. I 2005 vann ho tre musikkprisar, og ho var nominert til fleire, t.d. Grammis, der ho var den yngste artisten som vart nominert nokonsinne.
Amy Diamond har så langt vore ein aktiv artist. Allereie året etter gav ho ut neste plate, Still Me, Still Now. Frå dette albumet vart singelen «Don't Cry Your Heart Out» ganske populær, både i Sverige og Noreg. Fram til 2010 har ho gjeve ut minst eitt album i året. I 2006 vart ho kåra til Årets turnédronning av Aftonbladet, og tidsskriftet Tove kåra henne til Årets artist 2006. 2 gonger har ho delteke i svenske Melodifestivalen; i 2008 med låta «Thank You» og i 2009 med «It's My Life». Av dei to var «Thank You» den som fekk høgast plassering med ein 8. plass i hovudfinalen. I 2010 lanserte ho samleplata Greatest Hits, berre 18 år gamal.
Som skodespelar har ho hatt roller i nokre svenske fjernsynsseriar. I desember 2009 fekk ho rolla som Alice i musikalen Alice i Underlandet på Maximteatern i Stockholm. I januar 2011 vart ho programleiar for hundeprogrammet Bulldogg på SVT B. Amy er i dag utdanna frisør.
Diskografi
Album
- 2005: This Is Me Now
- 2006: Still Me, Still Now
- 2007: Music in Motion
- 2008: Music in Motion - Gold Edition
- 2008: En helt ny jul
- 2009: Swings and Roundabouts
- 2010: Greatest Hits
Kjelder
This article uses material from the Wikipedia Nynorsk article Amy Deasismont, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.