شرقی ارتدوكس کلیسا اتا مذهب هسته که اواخر قرن پنجم میلادی مسیحیت دله بساته بیّه یعنی همون گادِر که روم دَیّه شرقی و غربی قسمتون جه تجزیه بییه.
این کلیسا اسا جزء مسیحیون ِسهتا اصلی مذهبون جه هسته.
قسطنطنیه و پاپ میون اتا بحث پیش بمو که روحالقدس چتی بساته بیّه. این بحث اَنده دمباله پیدا هاکرده که وشون هِدی ره طرد هاکردنه. بعضی گانّه اون گادِر شرقی روم این مذهب ره رسمیت هِدا تا غربی روم جه مذهبی اختلاف داره و ونه مردمون پاپ ِپهروو نَوائِن.
شرقی اروپا و بالکان دله این کلیسا طرفدار دانّه. این کلیسا پهروون بلاروس، بلغارستون، قبرس، گرجستون، یونان، مقدونیه، مولداوی، روسیه، مونتهنگرو، رومانی، صربستون و اکراین دله اکثریت هستنه.
بعضی ارتدوکسون هم خاورمیونه، شمالی آمریکا و استرالیا دله درنه. این کلیسایِ پهروون پاپ جه اطاعت نَکانّه و شه وسّه اتا سِوا ِاسقف دارنه. قدیم ارتدوکسون همه استامبول ِاسقف په دَیینه ولی اسا جاهای دیگه هم گتِ اسقف دارنه. وشون حتی زوونهای مختلف جه هم استفاده کانه.
This article uses material from the Wikipedia مَزِروني article شرقی ارتدوکس, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). محتوا جه تحت CC BY-SA 4.0 دسترسی دارنی، مگر اینکه ونه خلاف ثابت بَواشه. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki مَزِروني (DUHOCTRUNGQUOC.VN) is an independent company and has no affiliation with Wiki Foundation.