عیسی مسیح یا عیسی ناصری (۲-۷ (پیش از میلاد) - ۲۶-۳۶ (پس از میلاد)) گت پیغومبر مسیحیت هسته که اسا گتترین دین دنیائه.
مسیحیون عیسی ره تجسّم خدا، آدم بدن سَره دونّه و وه ره آغازگر جریون مسیحیت هم دونّه. وه شهر بیتلحم از شهرون ناصره منطقه یهودیه دنیا بموئه. مسلمونا به عیسی به عنوان اتا پیامبر باور دارنه و برخی از مذاهب دیگه هم وه ره شخصیت مهمی در نظر گیرنه.
منابع اصلی بررسی زندگی عیسی وسّه چار انجیل رسمی هستنه، ولی برخی از محققون معتقدنه که متنئون دیگه چون انجیل توماس هم به اندازه چار انجیل سنتی عیسی تحقیقات وسّه مهمنّه. اکثر پژوهشورون متعقدنه که عیسی اتا یهودی از ناحیه «جلیل» که فلسطین شومال دله بییه که از ونجه بهعنوان اتا معلم و شفابخش یاد وونه. محققون اغلب اتفاق نظر دارنه که وه توسط یحیی غسل تعمید بییته و اورشلیم دله تحت فرمون پنطیوس پیلاطس و به جرم آشوبگری علیه روم مصلوب بیّه. قطع نظر اینتی نظرها و نتایج جه، مطالعات آکادمیک گاهنگاری وقایع، پیغوم مرکزی تعلیمات عیسی، ونه اجتماعی طبقه و یا ونه مصلوب بین دلیل تااسا به نتایج قطعی نرسینه. خله از محققون به انجیلها به عنوان منابع تاریخی با احتیاط اشنّه، ولی اکثر محققون منتقد، معتقدنه حداقل بخشئونی از اونچی که انجیلها دله درباره عیسی دره راسّه.
نگاه مسیحیت به عیسی بر پایه اعتقاد به الوهیت عیسی، ونه مسیح بیین همونتی که عهد عتیق دله پیشگویی بیییه و ونه زنده بیّن پس از ونه مصلوب بیّن هسته. مسیحیون ویشته عیسی ره خدای ریکا دونّه (که معمولاً اینتی تعبیر وونه که وه خدای ریکائه، رکن دوم تثلیث هسته) که رستگاری و آشتی ِخدای جا به زمین سَر بموئه. وشون همینتی به تولد معجزهوار عیسی اتا باکره جه، انجام معجزات، عروج به آسمون، و ونه وردگرستن در آینده معتقدنه. در حالیکه اعتقاد به تثلیث بهطور گسترده مسیحیون دله پذیرفته بیّه، چنتا خورد گروه درنه که دیدگاهئون غیرتثلیثی راجع به الوهیت عیسی دارنه.
اسلام دله، عیسی اتا از پیامبرون مهم خدا حیساب وونه که انجیل ره شه همراه بیارده و اثبات نبوت سَره معجزاتی ره انجوم هدائه. عیسی همینتی عنوان مسیح دانّه ولی از نقطه نظر اسلامی این به معنی ونه خداتی بیین نییه. اسلام ونه مصلوب بیّن و أی ونه راست بیّن سره ره قبول نکانده و به این نظر هسته که وه جسماً به آسمون بورده. همچنین مسلمونا هم مسیحیون واری باور دارنه که عیسی اتا دَستنخارد کیجا جه که برگزیدهٔ خدا بییه به نوم مریم دنیا بموئه.
عیسی، یسوّع، یوشع، یهوشع و یهوشوع هم بخونسّه بیّه و عبری دله وشون همه برابرنه. انجیل یسوّع دله مسیح ۵۰ بار، عیسی مسیح ۱۰۰ بار و لفظ مسیح ۳۰۰ بار بموئه. عیسی عبری زوون دله به معنی «خدا کمک کانده» (اسا به معنی «خدا نجات دنه») هسته.
This article uses material from the Wikipedia مَزِروني article عیسی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). محتوا جه تحت CC BY-SA 4.0 دسترسی دارنی، مگر اینکه خلافش ثابت بَواشه. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki مَزِروني (DUHOCTRUNGQUOC.VN) is an independent company and has no affiliation with Wiki Foundation.