မြန်မာနိုင်ငံရှိ ဝန်ကြီးဌာနများတွင် လူမှုဝန်ထမ်းနှင့် ပတ်သက်၍ လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာနထားရှိသည်။ လက်ရှိဝန်ကြီးမှာ အာဏာသိမ်း စစ်အစိုးရမှ ခန့်အပ်ထားသော ဒေါက်တာ စိုးဝင်းဖြစ်သည်။ အနိုင်ရ လွှတ်တော်ကိုယ်စားလှယ်များဖြင့် ဖွဲ့စည်းထားသည့် ပြည်ထောင်စုလွှတ်တော်ကိုယ်စားပြုကော်မတီ (CRPH) ကမူ ဒေါက်တာဝင်းမြတ်အေး အား မူလတာဝန်များကို ဆက်လက်ထမ်းဆောင်ရန် ပြည်ထောင်စုဝန်ကြီးအဖြစ် ခန့်အပ်ထားသည်။
မြန်မာအစိုးရအဖွဲ့အစည်း | |
---|---|
လူမှုဝန်ထမ်းကယ်ဆယ်ရေးနှင့်ပြန်လည် နေရာချထားရေး ဝန်ကြီးဌာန | |
အစိုးရအဖွဲ့အစည်း အကျဉ်းချုပ် | |
အဖွဲ့အစည်းအမျိုးအစား | ဝန်ကြီးဌာန |
ဌာနချုပ် | ရုံးအမှတ် (၂၃)၊ နေပြည်တော် |
ဝန်ကြီးများ | ဒေါက်တာ စိုးဝင်း |
ဝက်ဘ်ဆိုက် | moswrr.gov.mm |
၁၉၄၅ ခုနှစ် မြန်မာနိုင်ငံလွတ်လပ်ရေး မရမီအချိန်က လူမှုရေးနှင့်ပြန်လည်ထူထောင်ရေး ညွှန်ကြားရေးမှူးရုံး ဖွင့်လှစ်ကာ သဘာဝဘေးကာကွယ်ရေး၊ ပြန်လည်ထူထောင်ရေးလုပ်ငန်းနှင့် လူမှုရေးရာလုပ်ငန်းများအား ဆောင်ရွက်ခဲ့သည်။ လွတ်လပ်ရေးရပြီးနောက်ပိုင်း ၁၉၄၈ ခုနှစ်တွင် ပညာရေး၊ လူမှုရေးနှင့် ပြန်လည်ထူထောင်ရေး ဝန်ကြီးဌာန အဖြစ် ပြန်လည် ဖွဲ့စည်းခဲ့သည်။ ၁၉၅၂ ခုနှစ်တွင် ပညာရေး၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန အဖြစ်သို့ လည်းကောင်း၊ ၁၉၅၂ ခုနှစ်တွင် လူနည်းစုရေးရာ ဝန်ကြီးဌာနနှင့် ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန အဖြစ် သို့လည်းကောင်း ပြင်ဆင်ဖွဲ့စည်းခဲ့ပြီး၊ သဘာဝ ဘေးအန္တရာယ်များ ကာကွယ်ရေးနှင့် ပြန်လည်နေရာချထားရေး၊ ထောက်ပံ့ရေး လုပ်ငန်းများ ဆောင်ရွက်ခဲ့သည်။ ၁၉၅၇ ခုနှစ်တွင် နိုင်ငံရေးအခြေအနေအရ ကယ်ဆယ်ရေးနှင့် ပြန်လည်နေရာချထားရေးနှင့် အမျိုးသားစည်းရုံးညီညွတ်ရေး ဝန်ကြီးဌာနဟူ၍ ပြင်ဆင်ခဲ့သည်။ ၁၉၇၂ ခုနှစ် စနစ်သစ်အုပ်ချုပ်ရေး ပေါ်ပေါက် လာသည့်အခါ အဆိုပါဝန်ကြီးဌာနအား ဖျက်သိမ်းပြီး လူမှုဝန်ထမ်းဝန်ကြီးဌာနအဖြစ် ဖွဲ့စည်းခဲ့သည်။ ဖွဲ့စည်းစဉ်ကဝန်ကြီးဌာနလက်အောက်တွင် လူမှုဝန်ထမ်း ဦးစီးဌာန နှင့် ကယ်ဆယ်ရေးနှင့် ပြန်လည်နေရာချထားရေး ဦးစီးဌာနဟူ၍ ဌာန(၂) ခုသာရှိသည်။ ၁၉၉၂ ခုနှစ်တွင် နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့မှ ၁၉.၂.၉၂ ရက်စွဲပါ အမိန့်ကြော်ငြာ စာအမှတ်(၁၄/၉၂)ဖြင့် လူမှုဝန်ထမ်းဝန်ကြီးဌာနအား လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာ ချထားရေး ဝန်ကြီးဌာနအဖြစ် ပြင်ဆင်၍ မီးသတ်ဦးစီးဌာနအပါအဝင် ဌာန(၃)ခုဖြင့် ပြင်ဆင်ဖွဲ့စည်းခဲ့သည်။ ၂၀၁၂ ခုနှစ်၊ နိုဝင်ဘာလ ၆ ရက်နေ့တွင် မီးသတ်ဦးစီးဌာနအား လုပ်ငန်းသဘောသဘာဝနှင့် လက်ရှိခြေအနေများအရ ပြည်ထဲရေးဝန်ကြီးဌာနသို့ လွှဲပြောင်းပေးခဲ့သည်။
အရာထမ်း | အမှုထမ်း | စုစုပေါင်း | |
ပြည်ထောင်စုဝန်ကြီးရုံး | ၁၆ | ၁၉ | ၃၅ |
လူမှုဝန်ထမ်းဦးစီးဌာန | ၁၅၁ | ၂၃၆၄ | ၂၅၁၅ |
ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာန | ၉၈ | ၄၉၃ | ၅၉၁ |
ပြန်လည်ထူထောင်ရေး ဦးစီးဌာန | ၅၄ | ၂၆၄ | ၃၁၈ |
ဝန်ကြီးဌာနအနေဖြင့် ဆောင်ရွက်ပေးနေသော ဝန်ဆောင်မှုများမှာ
ဝန်ကြီးဌာန စတင်ပေါ်ပေါက်ခဲ့သည်မှစ၍ ယနေ့ထိ တာဝန်ထမ်းဆောင်ခဲ့ကြသော ဝန်ကြီးများနှင့် တာဝန်ထမ်းဆောင်သည့်ကာလမှာ အောက်ပါအတိုင်းဖြစ်သည်။
စဉ် | အမည် | ထမ်းဆောင်သည့် ကာလ |
၁ | ဦးဘစော | ရ.၉.၁၉၅၃ မှ ၂၇.၂.၁၉၅၉ |
၂ | သတိုးမဟာ သရေစည်သူ မဟာသီရိသုဓမ္မ ဦးလွန်းဘော် | ၂၇.၂.၁၉၅၉ မှ ၄.၄.၁၉၆၀ |
၃ | ဦးဘစော | ၄.၄.၁၉၆၀ မှ ၂.၃.၁၉၆၂ |
၄ | ဗိုလ်မှူးကြီးစောမြင့် | ၅.၃.၁၉၆၂ မှ ၃.၁၂.၁၉၆၃ |
၅ | ဗိုလ်မှူးကြီးမောင်လွင် | ၃.၁၂.၁၉၆၃ မှ ၂၄.၃.၁၉၇၀ |
၆ | ဗိုလ်မှူးချုပ်တင်ဖေ | ၂၄.၃.၁၉၇၀ မှ ၁၄.၁၁.၁၉၇၀ |
၇ | ဗိုလ်မှူးချုပ်သောင်းဒန် | ၁၄.၁၁.၁၉၇၀ မှ ၄.၃.၁၉၇၄ |
၈ | ဦးဗန်ကူးလ် | ၄.၃.၁၉၇၄ မှ ၃.၃.၁၉၇၈ |
၉ | ဦးမန်းစံမြတ်ရွှေ | ၃.၃.၁၉၇၈ မှ ၂၀.၃.၁၉၇၉ |
၁၀ | ဦးမြမောင် | ၂၀.၃.၁၉၇၉ မှ ၂၁.၈.၁၉၈၀ |
၁၁ | ဗိုလ်မှူးချုပ်ခင်အုန်း | ၂၈.၁.၁၉၈၀ မှ ၁၆.၁၀.၁၉၈၀ |
၁၂ | ဗိုလ်ချုပ်ချစ်လှိုင် | ၁၆.၁၀.၁၉၈၀ မှ ၉.၁၁.၁၉၈၁ |
၁၃ | ဦးအုန်းကျော် | ၉.၁၁.၁၉၈၁ မှ ၁၈.၉.၁၉၈၈ |
၁၄ | ဒုတိယဗိုလ်ချုပ်ကြီးအောင်ရဲကျော် | ၂၀.၉.၁၉၈၈ မှ ၉.၂.၁၉၈၉ |
၁၅ | ဒုတိယဗိုလ်ချုပ်ကြီးတင်ထွန်း | ၉.၂.၁၉၈၉ မှ ၁၉.၂.၁၉၉၂ |
၁၆ | ဗိုလ်မှူးချုပ်သောင်းမြင့် | ၁၉.၂.၁၉၉၂ မှ ၁၅.၆.၁၉၉၅ |
၁၇ | ဗိုလ်ချုပ်စိုးမြင့် | ၁၅.၆.၁၉၉၅ မှ ၁၅.၁.၁၉၉၇ |
၁၈ | ဗိုလ်မှူးချုပ်ပြည့်စုံ | ၁၅.၁.၁၉၉ရ မှ ၂၉.၁၀.၁၉၉၉ |
၁၉ | ဗိုလ်ချုပ်စိန်ထွား | ၂၉.၁၀.၁၉၉၉ မှ ၁၄.၅.၂၀၀၆ |
၂၀ | ဗိုလ်ချုပ်မောင်မောင်ဆွေ | ၁၅.၅.၂၀၀၆ မှ ၃၁.၃.၂၀၁၁ |
၂၁ | ဦးအောင်ကြည် | ၃၁.၃.၂၀၁၁ မှ ၂၇.၈.၂၀၁၂ |
၂၂ | ဒေါက်တာဒေါ်မြတ်မြတ်အုန်းခင် | ၇.၉.၂၀၁၂ မှ ၃၀.၃.၂၀၁၆ |
၂၃ | ဒေါက်တာ ဝင်းမြတ်အေး | ၃၀.၃.၂၀၁၆ မှ ၁ ဖေဖော်ဝါရီ ၂၀၂၁ |
၂၄ | ဒေါက်တာသက်သက်ခိုင် | ၄ ဖေဖော်ဝါရီ ၂၀၂၁ မှ ၃ ဩဂုတ် ၂၀၂၃ |
၂၄ | ဒေါက်တာစိုးဝင်း | ၃ ဩဂုတ် ၂၀၂၃ မှ လက်ရှိ |
This article uses material from the Wikipedia မြန်မာဘာသာ article လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). အကြောင်းအရာများကို အခြားမှတ်ချက်မရှိပါက CC BY-SA 4.0 အောက်တွင် ရရှိနိုင်ပါသည်။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မြန်မာဘာသာ (DUHOCTRUNGQUOC.VN) is an independent company and has no affiliation with Wiki Foundation.