သင်ခန်းစာများ

တည်းဖြတ်သူ အသစ်တစ်ယောက် အနေနဲ့ ဝီကီပီးဒီးယား ဟုခေါ်တဲ့ ဒီပရောဂျက်ရဲ့ အရွယ်အစားနဲ့ နယ်ပယ်အတိုင်းအတာအပေါ် အနည်းငယ် စိတ်လှုပ်ရှားနေနိုင်ပါတယ်။ ဘယ်အရာမှ ကောင်းကောင်း နားမလည်သေးတဲ့အတွက် စိတ်မပူပါနဲ့။ သင်တည်းဖြတ်ပြင်ဆင်ရာမှာ သာမန်အသိဉာဏ်နဲ့ပဲ ပြင်ဆင်တာကို လက်ခံပါတယ်။ ဝီကီပီးဒီးယားက သင့်ကို ဆောင်းပါးများ ဖန်တီးခြင်း၊ စိစစ်ခြင်းနဲ့ တည်းဖြတ်ပြင်ဆင်ခွင့်ကို ပေးထားရုံမက သင်ကိုလည်း လုပ်ဆောင်စေလိုပါတယ်... သတ္တိရှိပါ!

ဝီကီပီးဒီးယား ဆောင်းပါးတစ်ခုရဲ့ ရည်မှန်းချက်ကတော့ ခေါင်းစဉ်အကြောင်းအရာတစ်ခု အပေါ် ပြည့်ပြည့်စုံစုံရှိပြီး ဘက်မလိုက်သော အရေးအသားနဲ့ အသိပညာဗဟုသုတ အနှစ်ချုပ်ကို ဖန်တီးနိုင်ဖို့ ဖြစ်ပါတယ်။ အဲဒါကြောင့် ဝီကီပီးဒီးယားဟာ ကိုယ်ပိုင်ရှာဖွေတွေ့ရှိမှုတွေကို ရေးသားရမယ့်နေရာ မဟုတ်ပါဘူး။ ဝီကီပီးဒီးယားဟာ မည်သူ့ကိုမဆို တည်းဖြတ်ပြင်ဆင်ခွင့်ပေးထားတာကြောင့် ကျွန်ုပ်တို့အနေနဲ့ ယုံကြည်စိတ်ချရတဲ့ ရင်းမြစ်အကိုးအကားတွေနဲ့ စိစစ်အတည်ပြုဖို့ လိုအပ်ပါတယ်။ သတင်းအချက်အလက် အားလုံးဟာ ယုံကြည်ရတဲ့ ရင်းမြစ်ကို အကိုးအကားပြုထားဖို့ လိုအပ်ပါတယ်။ အကြောင်းအရာတွေ ပေါင်းထည့်ခြင်းနဲ့ ဆောင်းပါးသစ်တွေ ဖန်တီးရာမှာ စွယ်စုံကျမ်းဆန်တဲ့ ရေးသားဟန်နဲ့ သမာရိုးကျအသံဟန်ပန်နဲ့ ရေးသားဖို့ အရေးကြီးပါတယ်။

ဝီကီပီးဒီးယားမှာ တင်းကြပ်တဲ့ စည်းမျဉ်းစည်းကမ်းတွေ ချမထားပါဘူး။ သို့သော်လည်း မူဝါဒများ၊ လမ်းညွှန်ချက်များ နဲ့ ပုံစံ စံသတ်မှတ်ချက်တွေကို အသုံးပြုသူ အဖွဲ့အစည်းကနေပြီး ဖော်ထုတ်ထားပါတယ်။ အထွေထွေ လူမှုကျင့်ဝတ်တွေကို အားလုံးသော တည်းဖြတ်သူများက လိုက်နာသင့်ပါတယ်။ ဝီကီပီးဒီးယား အဖွဲ့အစည်းကို မတူညီတဲ့ နိုင်ငံအသီးသီး၊ ယဉ်ကျေးမှုအသီးသီး၊ ရှုထောင့်အမျိုးမျိုး၊ ရွေးချယ်စရာအမျိုးမျိုးတို့ရှိတဲ့ လူတွေ စုပေါင်းပြီး ဖန်တီးထားတာ ဖြစ်ပါတယ်။ တည်းဖြတ်သူတွေဟာ တစ်ဦးကို တစ်ဦး လေးစားမှုရှိပြီး အတူတကွ လုပ်ဆောင်ကြခြင်းဖြင့် လက်မခံနိုင်သော၊ အငြင်းပွားဖွယ်၊ တဖက်စောင်းနင်းအပြုအမူတွေ သို့မဟုတ် မရိုးဖြောင့်မှုတွေကို ရှောင်ကြဉ်နိုင်မှာ ဖြစ်ပါတယ်။