ဒစ်မီးတာ
ဒစ်မီးတာ (အင်္ဂလိပ်: Demeter; အေသင်ဂရိ : Δημήτηρ Dēmḗtēr /ဒိမီးတီ/; ဒေါရစ်ဂရိ : Δαμάτηρ Dāmā́tēr) သည် ရှေးခေတ်ဂရိဘာသာတရားနှင့် ဂရိဒဏ္ဍာရီမှ အိုလံပတ်တောင်၏ နတ်ဘုရားမတစ်ပါးဖြစ်သည်။ ကမ္ဘာမြေ၏ သီးနှံမျိုးအောင်ခြင်း၊ မျိုးစေ့များအပေါ် စောင့်ရှောက်သောသူဖြစ်၍ အထွက်နှုန်း၊ စိုက်ပျိုးရေးနှင့် သက်ဆိုင်သော နတ်ဘုရားမဖြစ်သည်။ သူမ၏ ကိုးကွယ်မှုဆိုင်ရာ ဂုဏ်ပုဒ်များတွင် ဆီတို (Σιτώ) ဖြစ်၍ အစားအသောက်၊ မျိုးစေ့များပေးသောကြောင့် 'မျိုးစေ့တို့၏ အရှင်'ဖြစ်ကာ အခြားတစ်ခုမှာ သီစ်မော့စ်ဖောရော့စ် (θεσμός φόρος) ဖြစ်ပြီး ယဉ်ကျေးမှုရှိသော စိုက်ပျိုးလုပ်ကိုင်သည့် လူမှုအဖွဲ့အစည်းတစ်ရပ်၏ အမှတ်သညာအဖြစ် 'ဥပဒေ ဆောင်ကျဉ်းလာသူ' လည်းဖြစ်သည်။
| ဒစ်မီးတာ | |
|---|---|
စိုက်ပျိုးရေး၊ သီးနှံရိတ်သိမ်းခြင်း၊ မျိုးအောင်ခြင်းနှင့် ဘာသာရေးဆိုင်ရာ ဥပဒေသဆိုင်ရာ နတ်ဘုရားမ | |
 ရောမအမျိုးသား ပြတိုက်မှ ဒစ်မီးတာ၏ စကျင်ကျောက်ရုပ်တု | |
| အခြား အမည်များ | ဆီတို၊ သီစ်မော့စ်ဖောရော့စ် |
| ဘုံဗိမာန် | အိုလံပတ်တောင် |
| သင်္ကေတ | သီးနှံ့ပေါများခြင်း ဆိတ်ဦးချိုသင်္ကေတ၊ ဂျုံ၊ မီးရှူးမီးတုတ်၊ ပေါင်မုန့် |
| ပွဲတော်များ | သီစ်မော့စ်ဖောရီးယား ဘာသာရေးပွဲ၊ အီလက်စင်းနီးယာ ပူဇော်ပသမှုပွဲ |
| ကိုယ်ရေး အချက်အလက် | |
| မိဘများ | ခရိုးနပ်စ် and ရီးယာ |
| မွေးချင်း | ဟက်စတီးယာ၊ ဟဲ့ရာ၊ ဟေးဒီးစ်၊ ပိုဆိုက်ဒန်, ဇုစ်, ခိုင်ရန် |
| ကြင်ရာတော် | အိုင်ယေးရှန်၊ ဇုစ်၊ ပိုဆိုက်ဒန် |
| ကလေး | ပါဆက်ဖန်နီ, ဒိုင်ယာနိုက်ဆပ်စ်၊ ဒဲ့စပီနာ၊ အရိုင်းယန်၊ ပလူးတပ်စ်၊ ဖစ်လာမီးလပ်စ် |
| ညီမျှမှု | |
| ရောမ | ဆစ်ယာရီးဇ် |
| ဟိန္ဒူ | ဘူမိ (ဒေဝ) |
| ဂျပန် equivalent | အမတဲရာစု |
ဒစ်မီးတာကို များသောအားဖြင့် စိုက်ပျိုးရေးရာ အထွက်နှုန်း နတ်အဖြစ် သတ်မှတ်ကြသော်လည်း ဘာသာရေးဆိုင်ရာ ဥပဒေစည်းမျဉ်းများနှင့် ဘဝနှင့် သေခြင်း သံသရာ တို့အပေါ်တွင်လည်း စိုးမိုးသည်ဟု သတ်မှတ်ကြ၏ ။ သူမနှင့် သမီးဖြစ်သူ ပါဆက်ဖန်နီ တို့သည် အိုလံပီယာနတ်ဘုရားများ ကိုးကွယ်ခြင်းထက် ပို၍စောသည့် ဘာသာရေး ရိုးရာဓလေ့ဖြစ်သော အီလက်စင်းနီးယာ ပူဇော်ပသမှုများ၏ အဓိကပုဂ္ဂိုလ်များ ဖြစ်သည်။ ယင်းဓလေ့သည် မိုက်ဆီးနီးယန် ခေတ် (ဘီစီ ၁၄၀၀-၁၂၀၀) မှ စတင်ခြေရှိနိုင်သည်။ ဒစ်မီတားကို ပုံမှန်အားဖြင့် အနာတိုလီယားဒေသ၏ နတ်ဘုရားမ 'ဆစ်ဘစ်လီ' ဟု ယူဆကြသကဲ့သို့ ရောမနတ်ဘုရားမ 'ဆစ်ယာရီးဇ်' အဖြစ်လည်း ဖော်ပြကြသည်။
ကိုးကား
 | ဤ ဆောင်းပါးမှာ ဆောင်းပါးတိုတစ်ပုဒ် ဖြစ်သည်။ ဖြည့်စွက်ရေးသားခြင်းဖြင့် မြန်မာဝီကီပီးဒီးယားကို ကူညီပါ။ |
This article uses material from the Wikipedia မြန်မာဘာသာ article ဒစ်မီးတာ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). အကြောင်းအရာများကို အခြားမှတ်ချက်မရှိပါက CC BY-SA 4.0 အောက်တွင် ရရှိနိုင်ပါသည်။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မြန်မာဘာသာ (DUHOCTRUNGQUOC.VN) is an independent company and has no affiliation with Wiki Foundation.