Sabel I ( spanhol : Isabel I ; 22 d'abril de 1451 - 26 de nobembre de 1504), tamien chamada de Sabel, la Católica (spanhol: Isabel la Católica ), fui reina de Castielha de 1474 até sue muorte an 1504, bien cumo reina cunsurte de Aragon de 1479 a 1504 an birtude de l sou casamiento cul rei Fernon II de Aragon .
Reinando juntos subre ua Spanha dinasticamente unificada , Isabella i Fermon son coincidos cumo ls Reis Católicos.
Casou-se cul sou primo an segundo-grau, l príncepe Fernon de Aragon i, debido al sou parentesco próssimo, tubírun de pedir permisson al Papa. Inda assi, cula ajuda de Rodrigo Bórgie, l papa Sisto IB acabou por aceitar l casamiento, ua beç que cunsidraba l'ounion cumbeniente pa ls antrisses de la Eigreija. Isabel i l sou marido Fernon criórun las bases pa a unificaçon política de la Spaña atrabeç de l sou nieto, Carlos I, que se tornarie amperador de l Sacro Ampério Romano.
Sabel participou na guerra de Granada atrabeç de la qual cunseguiran reconquistar tierras muçulmanas, spulsando-los assi de la Península Eibérica. Mais tarde decretórun tamien la spulson de ls judius de la region atrabeç de l Decreto de Alḥambra. Por estas medidas, tanto Sabel cumo l sou marido fúrun reconhecidos pula Santa Sé cumo "defensores ó protetores de la fé", recebindo l títalo de Reis Católicos.
Assi i to, Sabel fui recordada subretodo pul apoio ancondicional que dou la Cristóvão Colombo na sue busca pulas Índias Oucidentales, ua misson que l lhiebarie la çcubrir la América.Este acuntecimiento lhebou mais tarde a las çcubiertas i al surgimiento de l Ampério Spanhol.
This article uses material from the Wikipedia Mirandés article Sabel I de Castielha, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenido çponibelizado ne ls termos de la CC BY-SA 4.0, salbo andicaçon an cuntrairo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Mirandés (DUHOCTRUNGQUOC.VN) is an independent company and has no affiliation with Wiki Foundation.