Meca, an árabe Makkah (مكة المكرمة, Makka al-Mukkarama).
Ne l passado fui chamada de Makoraba, queda a oeste de la Península Arábica i ye la capital de l Heijaz. Ten cerca de 2 milhones de habitants (2012).
Neilha naciu Maomé an 570. Ye la más amportante de todas las cidades santas de l Eislan, besitada todo anho por muitos peregrinos.
Antes que Maomé benisse a pregar l Eislan, yá era ua cidade santa, cun bários lhugares de amportança relegiosa. Dentre eilhes l más amportante ye la Kaaba.
L purmeiro registro stórico a la cidade ben de Ptolomiu, geógrafo eigípcio, ne l seclo II, que la chamaba de Makoraba.
An 1517 la cidade fui tomada puls turcos, que la deixórun debaixo de l domínio de l çcendentes de Maomé i de sou genro Alí-ibn-Abi-Talib, até que ne l anho 1916 fúrun spulsos por Husayn ibn Alí, que más tarde benerie a ser l purmeiro rei de al-Hijad.
This article uses material from the Wikipedia Mirandés article Meca, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenido çponibelizado ne ls termos de la CC BY-SA 4.0, salbo andicaçon an cuntrairo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Mirandés (DUHOCTRUNGQUOC.VN) is an independent company and has no affiliation with Wiki Foundation.