Química

Química (de l eigípcio kēme (chem), quier dezir tierra) ye la ciéncia que trata de las sustáncias de la natureza, de l eilemientos que la custituen, de sues caratelísticas, propiadades cumbinatórias, porcessos de oubtençon, sues aplicaçones i sue eidantificaçon.

Studa la maneira que ls eilemientos se ligan i reaige antre si, bien cumo la einergie çprendida ó absorbida durante estas trasformaçones.

Química
Química - L studo de las anteraçones de las sustáncias químicas i cula einergie baseado nas struturas de l átomos, moléculas i outros tipos de agregaçones.

Stória

Química Ber artigo percipal: Stória de la química, Alquimia
Química 
L Alquimista, de Pietro Longhi

La stória de la química stá antrinsecamente ligada al zambolbimiento de l home, yá que abarca todas las trasformaçones de matérias i las teories correspundientes.

Ls purmeiros passos

La ciéncia química aparece ne l seclo XVII zde de ls studos de alquimia populares antre muitos de l cientistas de la época. Cunsidra-se que ls percípios básicos de la química se recolhen pula purmeira beç na obra de l cientista británico Robert Boyle: The Scetical Chymist (1661). La química ampeça assi un seclo más tarde culs trabalhos de l francés Antoine Lavoisier i las sues çcubiertas an relaçon al ouxigénio, a la lei de la cunserbaçon de la massa i a la refutaçon de la teorie de l flogisto cumo teorie de la cumbuston.

La racionalizaçon de la Química

Un punto crucial ne l zambolbimiento de la química cumo ciéncia fui la racionalizaçon de ls coincimientos ampíricos oubtenidos, percurando criar leis racionales i simpleficar de forma coerente las anformaçones oubtenidas. L percípio de cunserbaçon de la massa i l antendimiento de la anfluéncia de la cumposiçon de la atmosfera ne ls spriéncias, ambos amplamente disseminados a cobrar de ls trabalhos de Lavoisier ne l final de l seclo XVIII, premitiran que ls spriéncias se tornássen cada beç más rigorosos i percisos, an ouposiçon al caráter qualitatibo de las spurmentaçones alquimistas.

A partir desse sfergante, la mediçon de massas assume un caráter fundamental na stória de la química, tenendo sido esse l percipal ampulsor pa l zambolbimiento de la baláncia a cobrar de la época de Lavoisier, tenendo el própio custruído ls eiquipamientos más percisos desse período.

La heipótese atomística

Ua de las maiores bitórias de la Química, debido al uso de baláncias ne ls spriéncias, fui sin dúbeda debida la John Dalton. Esse cientista anglés quedou antrigado cul fato de que, al decumpor qualquier sustáncia an sous custituintes más simples, las rezones antre las massas de muitas sustáncias oubtenidas podéren ser siempre scritas a cobrar de númaros anteiros de pequeinho balor, ocorrendo frequentemente rezones de l tipo 1:2, 2:3, 5:2, etc.

Cun base nesse curjidoso dado spurmental, Dalton propuso, an 1881, un modelo para la custituiçon de la matéria: tales dados serien facilmente splicados se to la matéria fusse custituída de ounidades andibesibles, nomeadas de átomo (de l griego "andibesible"). Tal cunceito, cuja purmeira çcriçon probenie de l filósofo griego Demócrito, agora surgie, naturalmente, de medidas quantitatibas rigorosas.

La racionalizaçon de la matéria

La teorie atomística de Dalton tubo amportantes repercussones. Baseado an dados spurmentales, un cientista francés chamado Joseph Proust yá tenie proposto formalmente l cunceito de que to sustáncia tenie ua cumposiçon custante i homogénea. Assi, la auga, por eisemplo, andependiente de sue ourige, era siempre cumpuosta pula mesma porporçon de dous gases: oxigénio i hidrogénio. Juntando esse cunceito i sous postulados atomísticos, Dalton Ourganizou de forma racional las sustáncias coincidas, criando ua tabela de sustáncias que serien formadas por solo un tipo de átomo, i sustáncias que éran formadas por ua cumbinaçon caratelística de átomos.

Assi, tanto la grafite cumo ls gases hidrogénio i oxigénio, por eisemplo, éran formados solo por un tipo de átomo, anquanto que outras sustáncias, cumo la auga, éran formadas pula cumbinaçon de dous ó más átomos, nesse causo, de ls eilemientos hidrogénio i oxigénio (las deficuldades de oubtener ciertos dados cun ua percison razoable lebórun Dalton a propor eirroneamente para la auga a la fórmula HO, an beç de H2L). Apesar de las deficuldades spurmentales, Dalton propuso formulas ciertas para muitos cumpuostos coincidos na época, tenendo sou trabalho rebolucionado de forma defenitiba l antendimiento de la matéria.

Cunceitos fundamentales

Stados de la matéria

Química Ber artigo percipal: Stados físicos de la matéria

Fases ó stados de la matéria son cunjuntos de cunfiguraçones que oubjetos macroscópicos puoden apersentar. San trés ls stados ó fases cunsidrados: sólido, líquido i gazoso. Outros tipos de fases de la matéria, cumo l stado pastoso ó l plasma son studados an nibles más abançados de física. Ne l stado sólido cunsidra-se que la matéria de l cuorpo mantén la forma macroscópica i la posiçon relatiba de sues partículas. Ye particularmente studado nas árias de la stática i de la dinámica.

Ne l stado líquido, l cuorpo mantén la cantidade de matéria i aprossimadamente l belume; la forma i posiçon relatiba de la partículas nun se mantén. Ye particularmente studado nas árias de la hidrostática i de la hidrodinámica.

Ne l stado gazoso, l cuorpo mantén solo la cantidade de matéria, podendo bariar amplamente la forma i l belume. Ye particularmente studado nas árias de la aerostática i de la aerodinámica.

Sustáncias i misturas

Química Ber artigo percipal: Sustáncia, Mistura

Ua sustáncia ten ua cumposiçon caratelística, detreminada i un cunjunto defenido de propiadades. Un de ls eisemplos de sustáncias son l cloreto de sódio, la sacarose i l oxigénio, antre outros. Ua sustáncia puode ser formada por un único eilemiento químico (sustáncia simples), cumo por eisemplo l ouro, fierro ó l cobre ó por dous ó más eilemientos nua porporçon defenida (sustáncia cumpuosta), cumo ye l causo de l cloreto de sódio (39,34% de sue massa ye de sódio i 60,66%,de cloro).

Dues ó más sustáncias agrupadas custituen ua mistura, cuja cumposiçon i propiadade son bariables. L leite, por eisemplo, ye ua mistura.

Eilemientos

Química Ber artigo percipal: Eilemiento químico

Chama-se eilemiento químico todos ls átomos que ténen l mesmo númaro atómico (Z), ó seia, l mesmo númaro de prótons.

Cumpuostos

Química Ber artigo percipal: Cumpuosto químico

Un cumpuosto químico ye ua sustáncia química custituída por moléculas ó cristales de dous ó más átomos ó íons ligados antre si nua porporçon fixa i defenida, esto ye, las porporçones antre eilemientos dua sustáncia nun puoden ser alterados por porcessos físicos. Por eisemplo, la auga ye un cumpuosto formado por hidrogénio i oxigénio na porporçon de dous para un.

Moléculas

Química Ber artigo percipal: Molécula

Ua molécula ye un cunjunto eiletricamente neutro de dous ó más átomos ounidos por pares cumpartidos de eilétrons (ligaçones cobalentes) que se cumportan cumo ua única partícula. Ua sustáncia que apersente solamente ligaçones cobalentes i seia formada por moléculas çcretas ye chamada de sustáncia molecular cuja ligaçon suficientemente fuorte carateriza cumo ua eidantidade stable.

Íones

Química Ber artigo percipal: Íon

Un íon ye ua spece química eiletricamente carregada, giralmente un átomo ó molécula que perdiu ó ganhou eilétrons. Íones carregados negatibamente son coincidos cumo ániones, ó aniones (que son atraídos para ánodos), anquanto íones carregados positibamente son coincidos cumo cátiones, ó cationes (que son atraídos por cátodos).

Einergie química

Química Ber artigo percipal: Einergie química

Einergie química ye la einergie potencial de las ligaçones químicas antre ls átomos. Sue liberaçon ye antendida más claramente, por eisemplo, nua cumbuston. La einergie química ye liberada ó sorbida an qualquier reaçon química.

Reaçones químicas

Química Ber artigo percipal: Reaçon química

Ua reaçon química ye ua trasformaçon de la matéria an que acuntécen mudanças qualitatibas na cumposiçon química dua ó más sustáncias reagentes, resultando an un ó más pordutos.

Leis de la química

Química Ber artigo percipal: Leis de la química

Las reaçones químicas son gobernadas por ciertas leis, las quales trazen cunceitos fundamentales an química. Alguas deilhas son:

  • Lei de la cunserbaçon de las massas, que de acordo cun alguns físicos modernos cunsidra que la einergie ye cunserbada, i que massa i einergie son relacionadas; un cunceito que se torna amportante an química i física nuclear.
  • Lei de la cunserbaçon de la einergie que cunduç als amportantes cunceitos de eiquilíbrio, termodinámica, i cinética.
  • Lei de Proust ó "lei de las porporçones custantes", ambora an muitos sistemas (notablemente macromoléculas bioquímicas i minerales) las bariadades possibles ténden a requerer bastos númaros, i son frequentemente repersentados cumo fraçones.
  • Lei de las porporçones múltiplas
  • Lei de Heiss
  • Lei de Ber-Lambert
  • Lei de la difuson de Fick
  • Lei de Raoult
  • Lei de Heinry
  • Lei de Boyle (1662, relacionando presson i belume)
  • Lei de Charles (1787, relacionando belume i temperatura)
  • Lei de Gay-Lussac (1809, relacionando presson i temperatura)
  • Lei de Abogadro

Ligaçones químicas

Química Ber artigo percipal: Ligaçon química

Las ligaçones químicas son ouniones stablecidas antre átomos para formáren las moléculas, que custituen la strutura básica dua sustáncia ó cumpuosto. Na Natureza eisisten aprossimadamente ua ciento de eilemientos químicos. Ls átomos destes eilemientos químicos al se ouníren forman la grande dibersidade de sustáncias químicas.

Tabela periódica

Química Ber artigo percipal: Tabela periódica

Tabela periódica de ls eilemientos químicos ye la çposiçon sistemática de l eilemientos, na forma dua tabela, an funçon de sues propiadades. Ye mui útele para se prebíren las caratelísticas i tendéncias de l átomos.

Árias de studo i alguas de sues subdebisones

La debison de la química puode ser feita de dibersas maneiras.

Por eisemplo, la IUPAC debede la química an :

  • Química física i biofísica
  • Química einorgánica
  • Química ourgánica i química biométrica
  • Polímeros
  • Química analítica
  • Química i meio ambiente
  • Química i salude houmana
  • Nomenclatura química i repersentaçon strutural

Más tradecionalmente, la química puode, tamien, ser dibedida an dibersas modalidades:

  • Química Ourgánica
    Ye la ciéncia de la strutura, de las propiadades, de la cumposiçon i de las reaçones químicas de l cumpuostos ourgánicos que, an percípio, son ls cumpuostos cujo eilemiento percipal ye l carbono. L lemite antre la química ourgánica i la química einorgánica, que segue, nun ye siempre nítido; por eisemplo, l óxido de carbono (CO) i l anidrido carbónico (CO2) nun fázen parte de la química Ourgánica.
  • Química einourgánica
    Ye l ramo de la química que trata de las propiadades i de las reaçones de l cumpuostos einorgánicos. Neste ye ancluída la geoquímica
  • Físico-Química ó Química Física
    Ye l studo de ls fundamientos físicos de ls sistemas químicos i de ls porcessos físicos. An particular, la çcriçon einergética de las dibersas trasformaçones faç, por eisemplo, parte deste ramo de la química. Neilha ancontran-se deciplinas amportantes cumo la termodinámica química i la termoquímica, la cinética química, la mecánica statística, la spetroscopia i la eiletroquímica.
  • Bioquímica
    Ye l studo de ls cumpuostos químicos, de las reaçones químicas i de las anteraçones químicas que acunten ne ls ourganismos bibos.
  • Química analítica
    Ye l studo de amostras de material para coincer la sue cumposiçon química i sue strutura.
  • Química nuclear
    Ye l studo de l fenómenos materiales i einergéticos que aparécen ne l nible de l núcleo de l átomos.
  • Química de l polímeros
    Alguns eilemientos cumo l carbono i l silício ténen la propiadade de poder formar cadeias repetindo numerosas bezes a mesma strutura. Estas macromoléculas ten propiadades químicas i físicas sploradas pula andústria.

Química an tópicos

  • Química einorgánica - studa las sustáncias einorgánicas
  • Química Ourgánica - studa las sustáncias ourgánicas.
  • Química analítica - trata de la análeze química de pordutos.
  • Físico-química - studa las propiadades químicas i físicas de la matéria.
  • Bioquímica - trata de l porcessos químicos relatibos als seres bibos.
  • Química andustrial - studo de reaçones cun antresse an porcessos andustriales (ber palabras Angenharie química i Cálclo de reatores).
  • Química ambiental
  • Química medicinal
  • Petroquímica - trata de la oubtençon i refinaçon de l petrólio.
  • Mineralogie
  • Angenharie Química - ramo de la Angenharie dedicado al porjeto i studo de Andústrias de Porcessos Químicos.
  • Cálclo de Reatores - ramo de la Angenharie Química que studa l porjeto de cunjunto de reatores andustriales.
  • Carboquímica - trata de porcessos ambolbendo l carbon mineral.
  • Catálise química - trata de procedimeintos que alteran las cinética de las reaçones.
  • Ciéncia de l materiales - trata de la cumposiçon, resisténcia i durablidade de materiales.
  • Cinética química - trata de la belocidade de las reaçones químicas.
  • Cumbuston - trata de las sustáncias ousadas na porduçon de einergie.
  • Eiletroquímica - trata de reaçones químicas ambolbendo einergie eilétrica.
  • Stequiometrie - Studo quantitatibo acerca de ls reagentes i pordutos dua reaçon química.
  • Química Quántica
  • Ouperaçones Ounitárias - ramo de la Angenharie Química que studa l porjeto de eiquipamientos andustriales de trasformaçones físicas (por eisemplo, filtraçon, çtilaçon, cominuiçon, decantaçon, calecimiento) an ouposiçon a las Cumbersones Químicas (Cálclo de Reatores).
  • Termoquímica - trata de reaçones químicas ambolbendo einergie térmica.

Tópicos Speciales

  • Studo de la Corroson
  • Studo de la Cumbuston
  • Studo de las Ligaçones químicas
  • Studo de l Ourbitales atómicos
  • Eisomerismo
  • Porblemas anselubles de la Química
  • Nomenclatura química
  • Tabela periódica -

Literatura an Química

Para alhá de ls libros didáticos ó specíficos subre tópicos de la Química ne l mundo, son publicados to ls dies cientos de artigos técnicos i científicos. Hai milhares de jornales i rebistas periódicas de Química. La percipal fuonte de refréncia para ua pesquisa bibliográfica subre ls assuntos tratados na ária química ye l Chemical Abstrats, publicado pula American Chemical Society, l qual cuntén resumos de ls percipales artigos publicados mundialmente.

Funçones i grupos químicos

Acetato | Ácido | Ácidos Ourgánicos | Açucre | Albumina | Alcali | Alcalóide | Álcol | Alcolato | Aldeído | Amálgama | Amido | Amina | Aminoácido | base | bicarbonato | borato | brometo

Pordutos i sustáncias

Química Ber artigo percipal: Lista de pordutos i sustáncias químicas

Porcedimentos i porcessos

  • Batimento | Branqueamento
  • Calcinaçon | Cromatografie
  • Micro-análeze
  • Titraçon | Titulaçon

Eiquipamentos i anstrumentos químicos

Química 
Eiquipamientos quemuns an laboratórios

baláncia | batedeira | batedor | balon de borraixa | balon de çtilaçon | balon bolumétrico | becker | bico de bunsen | bureta | funil de Buchner | Mufla | pipeta | probeta | pHmetro | kitassato | bomba la bácuo | colorímetro | spetrofotómetro | tubo de ansaio | gobelé | caixa de Petri | bidro de reloijo | pompete | bareta de bidro | cunta-pingas | erlenmeyer | cristalizador | tina de bidro | tubo de ansaio | cápsula de porcelana | funil | spátula | almofariç cun pilon | cadinho | manta de calecimiento | ampola de decantaçon | picnómetro

Ber tamien

  • Lista de químicos - biografies de químicos.
  • Fórmula química - repersentaçon de l átomos que cumpónen un cumpuosto químico.
  • Andicador químico - cumpuostos químicos que andícan detreminadas propiadades de outros cumpuostos, cumo l pH ó stado de oxidaçon.
  • Noble de Química - lista de ls premiados cul Prémio Noble de Química.
  • Associaçones de Química
  • Anstituiçones de Química
  • Andústrias químicas - andústrias que outelizan porcessos químicos (ber tamien Angenharie Química).
  • Periódicos de química - lista de periódicos specializados an Química.

Lhigaçones sternas

Modelo:Química-rodapie

Tags:

Química StóriaQuímica Cunceitos fundamentalesQuímica Árias de studo i alguas de sues subdebisonesQuímica Tópicos SpecialesQuímica Literatura an Química Funçones i grupos químicosQuímica Pordutos i sustánciasQuímica Porcedimentos i porcessosQuímica Eiquipamentos i anstrumentos químicosQuímica Ber tamienQuímica Lhigaçones sternasQuímicaCiénciaEinergieNatureza

🔥 Trending searches on Wiki Mirandés:

2018Banco Central OuropeuSudanIoHampshireFrancis Bacon (filósofo)SaturnoAlmanhaTecnologie de la anformaçonRáguebiAmpério RussoThe Coca-Cola CompanyAnternetePeste negraCazaquistonAntropologieAnformáticaLao ZiAphanamixisIbuprofenoAlgoritmoAXEL - Te soñéCosquínSistema SolarLhéngua sérbiaDinamarcaMirandés RaianoCeres (planeta nano)JainismoPolíticaNigériaStória de MacauMasumi AsanoMineralLhéngua chinesaLOS TEKIS - Niña cambáComisson OuropeiaLhista de nomes mirandesesJarusalenFamilha (biologie)DVDQueisoElvis PresleyAmpério BritánicoSalmo 1MéxicoAntárticaCristobo ColomboStória de la CórsegaKurówKurt GödelPaquistanBidaHimalia (satélite)QatarBietnameAlgarbeGuerra de l GolfoLeonardo da VinciOuro (moneda)CCXIMoldábia🡆 More