Makah: Kota nan talatak di Arab Saudi untuak malaksanakan haji
Makah adolah kota nan talatak di Arab Saudi, kota ko manjadi tampek umaik Islam malaksanaan haji dan tampek lahia Baginda Rasulullah, Nabi Muhammad SAW , di tampek ko tadapek Musajik Al-Haram nan manjadi kiblat umaik Islam di dunia ko, panduduak Makah tadiri dari 2.053.912 urang, pas musim haji Makah ko manjadi macet.
Geografi
Kota Makah talatak sekita 600 km sabalah selatan kota Madinah, labiah-kurang 200 km sabalah timur lauik kota Jeddah. Kota-kota ko marupoan lambah sampik nan bakuliliangi gunuang-gunuang jo bangunan Ka'bah sabagai puseknyo 21°25′24″N 39°49′24″E / 21.42333°N 39.82333°E. Dangan damikian, pado maso daulu kota-kota ko rawan banjia bilo di musim ujan sabalun akianyo pamarentah Arab Saudi marenovasi kota ko. Saparti pado umumnyo kota-kota di wilayah Arab Saudi, kota ko baiklim gurun.
Kasehatan
Sabagai kota suci umaik Islam jo tampek manunaikan ibadah haji, kota Makah satiok taunnyo manarimo kunjuangan dari umaik islam dari barbagai nagari, tantunya fasilitas kasehatan marupakan fasilitas pandukuang utamo nan manjadi parhatian khusus bagi pamerintah Arab Saudi.
Musajik Al-Haram
Musajik Al-Haram, kadangkalo disabuik juo jo namo Musajik Al-Haram atau Al-Masjid al-Ḥarām (Arab : المسجد الحرام), marupakan musajik nan talatak di Kota Makah Al Mukharamah, nan dibuek mengaliliangi Ka'bah, nan manjadi arah kiblat umaik Islam dalam magarajokan ibadah salat. Salain tu di musajik ikolah salah satu rukun ibadah haji nan wajib dilakuan umatik Islam tu tawaf, iyolah mangaliliangi Ka'bah sabanyak tujuah kali.
Sabagai kota suci umaik Islam, badasarkan hukum nan barlaku di Arab Saudi, bagi Non-Muslim ndak diianjinkan mamasuaki kota Mekkah ini.
Ka'bah
Ka'bah (Arab: الكعبة) marupaan seabuah bangunan nan mandakati bantuak kubus nan talatak di tangah Musajik Al-Haram di Kota Mekkah. Bangunan iko adolah monumen suci bagi umaik Islam. Dan bangunan ko nan manjadi patokan arah kiblat untuak ibadah salat, bagi umaik Islam di saluruah dunia.
Aia Zamzam
Zamzam (Arab: زمزم) marupakan namo aia nan diparoleh dari sabuah sumua mato aia bawah tanah nan talatak dalam kawasan Musajik Al-Haram, sabalah tanggara Ka'bah, jo kadalaman sakitar 42 meter. Aia zamzam iko marupakan sumber aia barasiah utamo bagi kota Mekkah. Salain dikonsumsi untuak aia minum, aia iko juo digunaaan sabagai aia wuduak bagi jamaah nan akan malakukan ibadah salat di Musajik Al-Haram.
Kota-kota dalam Ibadah Haji
Salain Makah, kota atau daerah nan digunaaan dalam paribadatan haji yakni Mina, Muzdalifah jo Arafah, kamudian tardapaik kota atau daerah nan digunaaan para jamaah haji untuak mamulai prosesinyo antaro lain Bir Ali atau Dzulkulaifah nan berado di lua kota Madinah sabagai patokan jamaah nan barasal dari Madinah, sarato Qarnul Manazil atau Yalamlam bagi jamaah haji nan masuak dari arah Yaman.
Rujuakan
Lihek pulo
- Abdurrahman As-Sudais Imam gadang atau kapalo imamMusajik Al-Haram.
Pautan lua
- (Inggirih) Templat:Arab Situs web resmi Kota Mekkah
- (Inggirih) Mekkah Archived 2006-08-25 di Wayback Machine.
 | Iko baru laman rancangan. Bantulah Wikipedia untuak mangambangannyo. |
This article uses material from the Wikipedia Minangkabau article Makah, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.