Франсиско Хенто

Тэрээр Испанийн Примера Дивизион-д анх 1952–53 оны улиралд Рэсинг Сантандер багийн бүрэлдэхүүнд багтан гарч тогложээ. Дараагийн жил нь Реал Мадрид клубтай гэрээ байгуулсан Хенто 11 дугаартай тоглох болж, клубийнхаа домогт тоглогч болон түүхэнд үлдсэн билээ.

Galerna del Cantábrico (Кантабрийн тэнгисийн шуурга) гэгддэг байсан тэрээр зүүн жигүүрт тоглодог байсан бөгөөд гайхалтай хурд төдийгүй бөмбөг эзэмших чадвар, дундын зайнаас гоол оруулах чадвараараа шагшигдсан тоглогч байлаа.

Хенто Реал Мадрид багтайгаа Европын цомд 6 удаа түрүүлж, Европын цомын 89 тоглолтод 30 гоол оруулсан амжилт нь өөр ямар ч тамирчны хүрээгүй дээд амжилт билээ. Тэрээр мөн Испанийн шигшээ багт багтан 1955 - 1969 оны хооронд 43 тоглолтод оролцон, 5 гоол оруулсан.

Тэрээр Европын цомын шигшээ тоглолтод 8 удаа оролцсон (6–2) бөгөөд AC Миланы Паоло Мальдини (5-3) л түүнтэй зэрэгцдэг юм. Хентогийн багийн анд, домогт Альфредо Ди Стефано (5–2) 7 удаа оролцсон үзүүлэлтээр удаалдаг байна.

Хенто 1971 онд зодог тайлж, дасгалжуулагч болжээ. Тэрээр Кастилья, Кастельон, Паленсиа, Гранада зэрэг доод лигийн хэд хэдэн багийг дасгалжуулж байгаад Реал Мадрид багаа Европт төлөөлөх элчин сайдын албыг хаших саналыг хүлээн авсан.

Хентогийн 2 дүү Хулио (1939 онд төрсөн), Антонио (1940 онд төрсөн) нар мөн Реал Мадрид багт тоглож байсан хөлбөмбөгчид боловч ах Франсиско шигээ амжилтад хүрч чадаагүй юм.

Клуб

Шигшээ баг дахь гоолууд

#	Огноо	Цэнгэлдэх хүрээлэн	Өрсөлдөгч	Гоол	Эцсийн дүн	Тэмцээн
1.	1959 оны 10 сарын 14	Сантьяго Бернабеу, Мадрид, Испани	Польш	3–0	3–0	1960 оны Европын Үндэстнүүдийн Цом. Шөвгийн 16
2.	1961 оны 4 сарын 2	Сантьяго Бернабеу, Мадрид, Испани	Франц	2–0	2–0	Нөхөрсөг тоглолт
3.	1963 оны 10 сарын 30	Виндсор Парк, Белфаст, Хойд Ирланд	Хойд Ирланд	0–1	0–1	1964 оны Европын Үндэстнүүдийн Цом. Шөвгийн 16
4.	1966 оны 6 сарын 23	Риазро, А Корунья, Испани	Уругвай	1–1	1–1	Нөхөрсөг тоглолт
5.	1967 оны 5 сарын 31	Сан Мамес, Бильбао, Испани	Турк	2–0	2–0	УЕФА Евро 1968 урьдчилсан шат

Реал Мадрид

• Тив хоорондын цом (1): 1960
• Европын цом (6): 1955–56, 1956–57, 1957–58, 1958–59, 1959–60, 1965–66
• Латин цом (1): 1955, 1957
• Испанийн лиг (12): 1953–54, 1954–55, 1956–57, 1957–58, 1960–61, 1961–62, 1962–63, 1963–64, 1964–65, 1966–67, 1967–68, 1968–69
• Испанийн цом (2): 1961–62, 1969–70

• BDFutbol profile
• National team data (Испани)
• NationalFootballTeams data
• Biography at Real Madrid Fans (Испани)
• Real Madrid profile (Испани)
• International Appearances and Goals at RSSSF
• Goals in European Cups at RSSSF
• Франсиско Хенто ФИФА-гийн үзүүлэлт