Лэгшидийн Чуваамэд
Лэгшидийн Чуваамэд (1934-2011) - Монгол улсын Ардын Зураач, БНМАУ-ын УГЗ уран сийлбэрч.
Лэгшидийн Чуваамэд | |
|---|---|
| Төрсөн | |
| Харьяалал | Монгол үндэстэн |
| Иргэншил |  Монгол |
| Мэргэжил | сийлбэрч |
| Хүүхэд | Эрдэнэбат, Энхбат, Чинбат, Маралмаа, Мичидмаа |
Намтар
Улс төрийн дээд боловсролтой, уран сийлбэрч, багш мэргэжилтэй. Монголын Урчуудын Эвлэлийн хороонд сийлбэрчин, багш, уран сайхны удирдаач, эх загварын зураач, чөлөөт уран бүтээлчээр 50 шахам жил ажиллаж байсан ажээ.
Монголын ард түмний олон зуун жилийн уран сийлбэрийн уламжлалт арга ухаан дээр үндэслэн сэдэвт бүтээл, бэлэг дурсгал, эд хэрэглэл, барилга байгууламжийн гэсэн чиглэлээр 13800 гаруй дүрс бүхий 600 гаруй захиалгат, 400 гаруй сэдэвт бүтээл туурвисан байна. Сийлбэрийг мод, яс, эвэр, чулуу зэрэг бүх төрлөөр хийхээс гадна Дундад Азийн уран барилгын “Ганчи” хэмээх шавраар хийдэг чимэглэлийн урлалыг монгол хээ угалзаар баяжуулан эх орондоо бүтээлчээр нэвтрүүлжээ. 2011 онд Улаанбаатар хотод нас барсан.
Уран Бүтээл
- Түүний бүтээлүүдийн охь болсон 60 гаруй сийлбэр манай улсын галерей, музейнүүдэд үнэт үзмэр болон хадгалагдаж байгаагаас гадна
- Төрийн ордны ёслолын танхимын ширээ, сандал.
- “Соёмбо” танхимын чимэглэл.
- Мэгжид Жанрайсэг бурхны тахилын ширээ зэрэг гүн хүндэтгэлтэй томоохон бүтээлүүдийг туурвисан байна.
Дурсгал
2022 оны 6-р сарын 30-ны өдрөөс 7-р сарын 5-ны өдрүүдэд Монголын Үндэсний мүзейд Монгол Улсын Ардын зураач, Урлагийн Гавьяат зүтгэлтэн Лэгшидийн Чуваамэдийн "Зуун дамжих урлал" нэртэй үзэсгэлэн гарсан.
Гавьяа Шагнал
- БНМАУ-ын УГЗ - /1981-07-09.№233/
- БНМАУ-ын Ардын Зураач - /2006-01-26.№ 15/ цол хүртсэн.
- “Алтан гадас” одон /1996/,
- Хөдөлмөрийн хүндэт медаль /1971/, Ардын хувьсгалын ойн хүндэт медалиудаар шагнагджээ.
Сонирхолтой баримт
- Түүний бага охин Мичидмаа 1992 оны Монголын мисс өргөмжлөлтэй бөгөөд улсын аварга Долгорсүрэнгийн Сумъяабазартай дэр нэгтгэсэн.
This article uses material from the Wikipedia Монгол article Лэгшидийн Чуваамэд, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.