Виктор Цой
Виктор Робертович Цой (Орос: Виктор Робертович Цой; 1962 оны 6 сарын 21 — 1990 оны 8 сарын 15) нь ЗХУ-ын хөгжмийн зохиолч, дуучин, хөгжимчин, жүжигчин, сийлбэрч байв.
"Кино" хамтлагийг үүсгэн зохион байгуулагч, ахлагч нь байсан. Мөн хэд хэдэн кинонд тоглосон (Игла,Асса) юм.
| Виктор Цой | |
|---|---|
 | |
| Төрсөн | Виктор Робертович Цой 1962 оны 6 сарын 21 Ленинград, ОХУ, ЗХУ (одоогийн Санкт-Петербург, Орос) |
| Нас барсан | 15 August 1990 (28 насалсан) Латви ЗХУ, ЗХУ, |
| Үхлийн шалтгаан | Авто осол |
| Оршуулагдсан газар | Теологийн оршуулгын газар (Санкт-Петербург) |
| Үндэстэн | Орос |
| Ажил | хөгжмийн зохиолч, дуучин, хөгжимчин, жүжигчин, |
| Он жил | 1978–1990 |
| Эхнэр (нөхөр) | Марианна Цой (г. 1985) |
Гарын үсэг | |
Тэрээр Ленинград (одоогийн Санкт-Петербург) хотод солонгос гаралтай инженер Роберт Максимович Цой болон орос үндэстэн биеийн тамирын багш Валентина Васильевна Цой (1937- 2009) нарын гэр бүлд цорын ганц хүү нь болон мэндэлжээ. Оросын 1980-аад оны хамгийн алдартай рок од 31 жилийн өмнө таалал төгссөн ч түүнийг хэн ч мартаагүй аж. “Кино” хамтлаг нь зөвлөлтийн рок хамтлагуудаас хамгийн шилдэг нь байсан. Урьд нь оросын рок хөгжимчдөөс хэн ч хийж чадаагүй зүйлийг “Кино” хамтлаг хийсэн. Тэд рок хөгжмийг дэлгэрүүлж моодонд оруулсан юм. Москва хотын "Лужники" цэнгэлдэх хүрээлэнд тоглосон “Кино” хамтлагийн сүүлийн концертон дээр (хэн ч энэ тоглолтыг сүүлчийх гэж мэдээгvй, хэрвээ мэдсэн бол арав дахин их цугларах байсан) 64 мянган хvн цугларсан байдаг юм. Ийм их үзэгчид Москвад 1998 онд The Rolling Stones хамтлагийн цорын ганц тоглолтон дээр л цуглаж байжээ. Цой питерийн “шинэ давалгаа”-тай хамт гараагаа эхэлсэн ч эдгээр бүх суутнуудаас ганцаараа л орчин цагийн хэллэгээр хитмэйкерийн авьяасыг төгс эзэмшсэн рокер байсан аж. Түүнд сая сая хүмүүс татагдахаас өөр аргагүй хангалттай сайхан, хангалттай энгийн нэгэн байсан юм.
Нэрд гаргасан түүний анхны цомог нь “45″ гэсэн нэртэй бөгөөд энэ цомгоо 1982 онд (энэ үед тэрээр 20 настай байсан) бичүүлж байжээ. ТМС-ээ төгсөөд Цой өөрөөсөө дөрөв эгч Марианна гэдэг бүсгүйтэй танилцжээ. Хожим энэ бүсгүй түүний эхнэр төдийгүй хүүхдийх нь эх болжээ. 1990 онд Марианна хүү Сашагаа авч явав. Хүүгээ орхин явсандаа ихэд шаналж, аль болох хүүдээ ойр байхыг Виктор хүсч байлаа. Тиймээс ч ийм аялал тун хэрэгтэй гэж бодон хүүгээ цуг авч явдаг байсан аж.
1990 оны 8 дугаар сарын 15-ны 12 цаг 28 минутад автомашины ослоор нас барсан юм. ЗСБН Латви Улсын нутгийн Тукумси хотоос холгүй байх «Слока- Талси» автозамын 35 дахь километр дээр энэхүү осол болжээ. Осол гардаг тэр өдөр Виктор ганцаараа загас барихаар яваад буцаж байжээ. Тэрээр Их хурдтай явж байхдаа жолооны ард унтсанаас болж түүний унаж явсан цагаан саарал «Москвич-2141» нь эсрэг урсгалд орж «Икарус-250» автобустай мөргөлдсөн гэж албан ёсны тайлбарт өгүүлдэг. Мөн янз бүрийн өөр таамаг ч байдаг юм.
This article uses material from the Wikipedia Монгол article Виктор Цой, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.