Дуучин — дуулах мэргэжилтэй хүн.
Үггүй дуулах хөгжмийн бүтээл бөгөөд хөгжмийн гоцлол зохиолын нэг төрөл. Дуулбар /вокализ/ нь дуулах арга техникийг хэвшүүлэх зорилготой үггүй аялгуу зохиол юм. Дуулбар /вокализ/-ыг дуулахад гол анхаарах зүйлийн нэг бол зохиогчийн бичсэн томьёо тэмдгүүдийг бүрэн зөв дагаж гүйцэтгэх.
Дуулаачийн урлагийн хамгийн дэлгэрсэн төрөл. Ардын болон нийтийн гэж ангилна. Дууг төрөл хэлбэр агуулгаар нь хувьсгалын, аж байдлын, түүхэн, уянгын, олон хоолойн, ганц хоолойн, найрал хөгжмийн хавсралтгүй, хавсралттай гэж ялгадаг. Дууны шүлэг нь яруу найргийн нэг өвөрмөц төрөл. Дуу нь дахилттай, дахилтгүй гэж байна. Монгол ардын уран бүтээлд урт дуу, богино дуу гэсэн хоёр төрөл байна.
Уянгын аялгатай дуулаачийн бүтээл. Яруу найрагч тухайлбар бүрийн утга санааг аялгуугаар нь илэрхийлэх эрмэлзэлтэй зохиогддог бөгөөд хамрах хөгжим нь түүний агуулгыг илэрхийлэх бас нэг гол хэрэгсэл болдог. Романс нь ихэвчлэн уянгын бодрол шинжтэй байдаг бөгөөд яруу найрагчийн тодорхой нэг утга санааг хөгжмийн хэлээр илэрхийлсэн бие даасан бага хэмжээний зохиол юм.
Дуурьд дуучин гоцлох бүтэн хэсэг. Дуурийн тодорхой үйл явдлын хэсгийг ерөнхийлөн дүгнэсэн дуучны сэтгэл, бодол, дуулах чадварыг нээж харуулахуйц гол хэсэг. 15-р зуунаас бий болсон. Ихэвчлэн дуурийн бүтцэд багтдаг бодрол дуу бөгөөд хэмжээний хувьд янз бүр байна. Хэмжээ бүтцээсээ хамааран жижиг хэлбэр нь ариетта, ариозо, томоохон хэлбэрийн ари нь монолог, куплет, каватина зэрэг олон төрлийг өөртөө багтаасан байдаг.
This article uses material from the Wikipedia Монгол article Дуучин, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.