സെബുവാനോ വിക്കിപീഡിയ

ഇതിൽ നിലവിൽ 61,20,024 ലേഖനങ്ങൾ അടങ്ങിയിരിക്കുന്നു, അവയിൽ ഭൂരിഭാഗവും Lsjbot എന്ന ഓട്ടോമേറ്റഡ് പ്രോഗ്രാം സൃഷ്ടിച്ചതാണ്. 141 സജീവ ഉപയോക്താക്കളുണ്ട്.

സെബുവാനോ വിക്കിപീഡിയ

Screenshot
വിഭാഗം	Internet encyclopedia project
ലഭ്യമായ ഭാഷകൾ	സെബുവാനോ
ഉടമസ്ഥൻ(ർ)	വിക്കിമീഡിയ ഫൗണ്ടേഷൻ
യുആർഎൽ	ceb.wikipedia.org
വാണിജ്യപരം	No
അംഗത്വം	Optional
ആരംഭിച്ചത്	ജൂൺ 22, 2005; 18 വർഷങ്ങൾക്ക് മുമ്പ് (2005-06-22)

ലേഖനങ്ങളുടെ എണ്ണത്തിൽ ഏറ്റവും വലിയ ഫിലിപ്പൈൻ ഭാഷയിലുള്ള വിക്കിപീഡിയയാണിത്. മറ്റ് ഫിലിപ്പൈൻ ഭാഷകളിൽ ഉള്ള വാറേ വിക്കിപീഡിയയിലും തഗാലോഗ് വിക്കിപീഡിയയിലും ഉള്ള ലേഖനങ്ങളെക്കാൾ കൂടുതക് ആണിത് .

ഓസ്ട്രോനേഷ്യൻ (മലയോ-പോളിനേഷ്യൻ) ഭാഷാ കുടുംബത്തിലെ പാശ്ചാത്യ അല്ലെങ്കിൽ ഇന്തോനേഷ്യൻ ശാഖയിലെ അംഗമാണ് സെബുവാനോ ഭാഷ. ഈ ഭാഷ സംസാരിക്കുന്നവർ കിഴക്കൻ നീഗ്രോസ്, സെബു, ബോഹോൾ, പടിഞ്ഞാറൻ ലെയ്റ്റ്, കാമോട്ടെസ് ദ്വീപുകൾ, മിൻഡാനോയുടെ വടക്കൻ, പടിഞ്ഞാറൻ തീരങ്ങൾ എന്നിവിടങ്ങളിൽ വ്യാപിച്ചുകിടക്കുന്നു). സെബുവാനോ ഹിലിഗയ്‌നോൺ (ഇലോംഗോ), വാരേ-വാരേ എന്നീ ഭാഷകളുമായി അടുത്ത ബന്ധമുള്ളതാണ്, അത് ചിലപ്പോൾ ആ ഭാഷകളുമായി വിസയന്റെ (ബിസയൻ) ഭാഷാഭേദമായി തരംതിരിച്ചിട്ടുണ്ട്.ഫിലിപ്പീൻസിൽ ഏറ്റവും കൂടുതൽ പേർ സംസാരിക്കുന്ന രണ്ടാമത്തെ ഭാഷയാണ് സെബുവാനോ . (ഏകദേശം 20 ദശലക്ഷം പേർ ഈ ഭാഷ സംസാരിക്കുന്നു) ഫിലിപ്പീൻസിലെ ജനസംഖ്യയുടെ അഞ്ചിലൊന്ന് വരുന്ന സെബുവാനോ സംസാരിക്കുന്നവരായ ജനത ഫിലിപ്പീൻസിലെ രണ്ടാമത്തെ വലിയ വംശീയ ഭാഷാ വിഭാഗവുമാണ്. സംസാര ആവൃത്തി ഉണ്ടായിരുന്നിട്ടും, സെബുവാനോ ഒരു സാഹിത്യ ഭാഷയായി ഉപയോഗിക്കുന്നില്ല, എന്നിരുന്നാലും പത്രങ്ങളും സിനിമകളും ഈ ഭാഷ ഉപയോഗിക്കുന്നു.

സെബുവാനോ ഭാഷയിലുള്ള വിക്കിപീഡിയ ഈ ഭാഷയിലുള്ള ഏക വിജ്ഞാനകോശമാണെന്ന് അവകാശപ്പെടുന്നു.

എന്നിരുന്നാലും, ഫിലിപ്പീൻസിൽ സെബുവാനോ വിക്കിപീഡിയ വ്യാപകമായി ഉപയോഗിക്കുന്നതായി കാണുന്നില്ല; മാർച്ച് 2021ലെ കണക്ക് പ്രകാരം, ഫിലിപ്പീൻസിൽ നിന്നുള്ള വിക്കിപീഡിയ കാഴ്ചകളുടെ 90 ശതമാനവും ഇംഗ്ലീഷ് വിക്കിപീഡിയയിൽ ആയിരുന്നു, 5 ശതമാനം തഗാലോഗിലേക്കും 3 ശതമാനം റഷ്യൻ വിക്കിപീഡിയയിലേക്കും ആയിരുന്നു. ഏകദേശം 30 ശതമാനം സെബുവാനോ വിക്കിപീഡിയ കാഴ്ചകൾ ചൈനയിൽ നിന്നും 22 ശതമാനം യുണൈറ്റഡ് സ്റ്റേറ്റ്സിൽ നിന്നും 11 ശതമാനം ഫിലിപ്പീൻസിൽ നിന്നും (ഏകദേശം, ഫ്രാൻസിൽ നിന്നുള്ള അതേ എണ്ണം) ആണ്.

സെബുവാനോ ഭാഷയിലുള്ള വിക്കിപീഡിയ ജൂണിൽ ആരംഭിച്ചു. 2006 ജനുവരിയിൽ 1000 ലേഖനങ്ങൾ സൃഷ്ടിക്കപ്പെട്ടു, 2006 നവംബറിൽ 1400 ലേഖനങ്ങളുണ്ടായി. 2006-ന്റെയും 2007-ന്റെയും അവസാനത്തിൽ, ബോട്ടുകൾ ഫ്രാൻസിലെ മുനിസിപ്പാലിറ്റികളെക്കുറിച്ച് പതിനായിരത്തോളം ലേഖനങ്ങൾ സൃഷ്ടിച്ചു.

2012 അവസാനത്തോടെ ലേഖനങ്ങളുടെ എണ്ണം ഏകദേശം 30,000 ആയി ഉയർന്നു. 2012 ഡിസംബറിൽ, Lsjbot ലേഖനങ്ങൾ സൃഷ്ടിക്കാൻ തുടങ്ങി. തൽഫലമായി, 2013 ൽ ലേഖനങ്ങളുടെ എണ്ണം ഗണ്യമായി വർദ്ധിച്ചു, 2013 ഫെബ്രുവരി മുതൽ ഡിസംബർ വരെ ലേഖനങ്ങളുടെ എണ്ണം ഒമ്പത് മടങ്ങ് വർദ്ധിച്ചു. 2015 അവസാനത്തോടെ, അന്നത്തെ 1.4 ദശലക്ഷം ലേഖനങ്ങളിൽ 99 ശതമാനവും ബോട്ടുകൾ സൃഷ്ടിച്ചതാണ്, അതിൽ പ്രദേശങ്ങളെക്കുറിച്ചുള്ള 25,000 ലേഖനങ്ങളും എൽഎസ്‌ജെബോട്ടിന്റെ ബാക്കിയുള്ള ജീവജാലങ്ങളെക്കുറിച്ചുള്ള ലേഖനങ്ങളും ഉൾപ്പെടുന്നു.

2014 ജൂലൈ 16-ന്, സെബുവാനോ-ഭാഷാ വിക്കിപീഡിയ ഒരു ദശലക്ഷം ലേഖനങ്ങൾ ഉൾക്കൊള്ളുന്നു, ഇത് പന്ത്രണ്ടാമത്തെ വലിയ വിക്കിപീഡിയയാക്കി. ഒന്നര വർഷത്തിനുള്ളിൽ സ്പാനിഷ്, ഇറ്റാലിയൻ, റഷ്യൻ, ഫ്രഞ്ച്, ഡച്ച്, ജർമ്മൻ ഭാഷകളിൽ ഉള്ള വിക്കിപീഡിയകളെ പിന്തള്ളി 2016 ഫെബ്രുവരിയിൽ അത് രണ്ട് ദശലക്ഷത്തിലെത്തി. ഏകദേശം അര വർഷത്തിന് ശേഷം, മൂന്നാം ദശലക്ഷവും, മറ്റൊരു പകുതി വർഷത്തിന് ശേഷം, നാലാമത്തെ ദശലക്ഷവും. 2017 ഓഗസ്റ്റിൽ, അഞ്ച് ദശലക്ഷം ലേഖനം സൃഷ്ടിക്കപ്പെട്ടു, ഇത് സെബുവാനോ ഭാഷയിലുള്ള വിക്കിപീഡിയയെ രണ്ടാമത്തെ വലിയ വിക്കിപീഡിയയാക്കി.

•  
•  
  ഉപയോക്തൃ ഗ്രൂപ്പുകളുടെ പുതിയ ലേഖനങ്ങൾ, നീല നിറത്തിൽ bots സൃഷ്ടിച്ചവ .
•  
  Lsjbot ഓട്ടോമേറ്റഡ് ആയി സൃഷ്ടിച്ച ലേഖനത്തിനെ ഉദ്ദാഹരണം Agathis unicincta യെ കുറിച്ച്

 

2015 ജൂലൈയിൽ വിക്കിഡാറ്റയിലെ സെബുവാനോ വിക്കിപീഡിയ ഉള്ളടക്കത്തിന്റെ ഒരു വിശകലനം കാണിക്കുന്നത് അന്നത്തെ 1.21 ദശലക്ഷം ലേഖനങ്ങളിൽ 95.8 ശതമാനവും ജീവജാലങ്ങളും ജൈവ ഇനങ്ങളും (1,160,787), 3.3 ശതമാനം നഗരങ്ങളും സമൂഹങ്ങളുമാണ് (39,420).