എ.എ. മിൽനെ
അലൻ അലക്സാണ്ടർ മിൽനെ (/ˈmɪln/; ജീവിതകാലം: 18 ജനുവരി 1882 മുതൽ 31 ജനുവരി 1956 വരെ) ഒരു ഇംഗ്ലീഷ് എഴുത്തുകാരനായിരുന്നു.
അദ്ദേഹത്തിന്റെ ഏറ്റവും അറിയപ്പെടുന്ന പുസ്തകം ടെഡി ബിയർ കഥാപാത്രമായി വരുന്ന “വിന്നീ-ദ-പൂഹ്” ആണ്. ഇതുകൂടാതെ നിരവധി കാവ്യങ്ങളും സാഹിത്യ ഗ്രന്ഥങ്ങളും അദ്ദേഹം രചിച്ചിട്ടുണ്ട്. “വിന്നീ-ദ-പൂഹ്” എന്ന ഗ്രന്ഥം ഉജ്ജ്വലവിജയം കൈവരിക്കുകയും അതിന്റെ പേരിലുള്ള പ്രശസ്തി ലഭിക്കുന്നതിനും മുമ്പുള്ള കാലത്ത് അദ്ദേഹം നാടകരചനയിലായിരുന്നു ശ്രദ്ധിച്ചിരുന്നത്. രണ്ടു ലോകമഹായുദ്ധങ്ങളിലും അദ്ദേഹം സൈനികസേവനമനുഷ്ടിച്ചിട്ടുണ്ട്. ഒന്നാം ലോകമഹായുദ്ധത്തിൽ ബ്രിട്ടീഷ് കരസേനയിലും രണ്ടാംലോകമഹായുദ്ധത്തിൽ ബ്രിട്ടീഷ് ഹോം ഗാർഡിൽ ക്യാപ്റ്റനായുമാണ് സേവനം ചെയ്തിരുന്നത്.
എ.എ. മിൽനെ | |
|---|---|
 Milne in 1922 | |
| ജനനം | Alan Alexander Milne 18 ജനുവരി 1882 Kilburn, London, England |
| മരണം | 31 ജനുവരി 1956 (പ്രായം 74) Hartfield, Sussex, England |
| തൊഴിൽ | Novelist, playwright, poet |
| ദേശീയത | British |
| പഠിച്ച വിദ്യാലയം | University of Cambridge |
| Period | Edwardian |
| Genre | Children's literature |
| ശ്രദ്ധേയമായ രചന(കൾ) | Winnie-the-Pooh |
| പങ്കാളി | Dorothy "Daphne" de Sélincourt (1890–1971) (m. 1913) |
| കുട്ടികൾ | Christopher Robin Milne |
| കയ്യൊപ്പ് |  |
| Military career | |
| ദേശീയത |  United Kingdom |
| വിഭാഗം |  British ArmyBritish Home Guard |
| ജോലിക്കാലം | 1915–1920 1939–1945 |
| പദവി | Captain |
| യുദ്ധങ്ങൾ | First World War Second World War |
ജീവിതരേഖ
അലൻ അലക്സാണ്ടർ മിൽനെ, ലണ്ടനിലെ കിൽബേണിൽ ജമയ്ക്കയിൽ ജനിച്ച ജോൺ വൈൻ മിൽനെയുടെയും അദ്ദേഹത്തിൻറെ പത്നി സാറാ മേരീ മിൽനേയുടെയും പുത്രനായി ജനിച്ചു. അദ്ദേഹത്തിൻറെ പിതാവ് കിൽബേണിൽ നടത്തിയിരുന്ന ഒരു ചെറിയ പൊതുവിദ്യാലയമായ ഹെൻലി ഹൌസ് സ്കൂളിലാണ് പ്രാഥമികവിദ്യാഭ്യാസം നടത്തിയത്. ആ സ്കൂളിൽ അദ്ദേഹത്തിൻറെ ഒരു അദ്ധ്യാപകനായിരുന്നു പ്രശസ്ത സാഹിത്യകാരനായിരുന്ന എച്ച്.ജി. വെൽസ്. 1889-90 കാലഘട്ടത്തിൽ അവിടെ അദ്ധ്യാപകനായിരുന്നു അദ്ദേഹം. ഉപരിപഠനം നടത്തിയത് വെസ്റ്റ്മിനിസ്റ്റർ സ്കൂളിലും കേംബ്രിഡ്ജിലെ ട്രിനിറ്റി കോളജിലുമായിരുന്നു. 1903 ൽ ഗണിതശാസ്ത്രത്തിൽ അവിടെനിന്നു ബി.എ. ബിരുദം നേടി. ഇക്കാലത്ത് ഒരു വിദ്യാർത്ഥിമാഗസിനായ “Granta” അദ്ദേഹം എഡിറ്റ് ചെയ്യുകയും അതിൽ എഴുതുകയും ചെയ്തിരുന്നു. മിൽനെയുടെ എഴുത്തുകൾ ബ്രിട്ടീഷ് ഹാസ് മാഗസിനായ “Punch”, ൽ പ്രത്യക്ഷപ്പെടാറുണ്ടായിരുന്നു. പിന്നീട് ഈ മാഗസിനോടൊപ്പം ചേർന്നു പ്രവർത്തിക്കുകയും ഒരു അസിസ്റ്റൻറ് എഡിറ്ററായി സേവനം നടത്തുകയും ചെയ്തിരുന്നു. അദ്ദേഹം “Allahakbarries” എന്ന പേരിലുണ്ടായിരുന്ന അമച്വർ ഇംഗ്ലീഷ് ക്രിക്കറ്റ് ടീമിൽ സമകാലിക എഴുത്തുകാരായ ജെ.എം. ബാരീ, ആർതർ കോനൻ ഡോയൽ എന്നിവർക്കൊപ്പം കളിച്ചിരുന്നു.
അവലംബം
This article uses material from the Wikipedia മലയാളം article എ.എ. മിൽനെ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). പ്രത്യേകം പറയാത്ത പക്ഷം ഉള്ളടക്കം CC BY-SA 4.0 പ്രകാരം ലഭ്യം. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki മലയാളം (DUHOCTRUNGQUOC.VN) is an independent company and has no affiliation with Wiki Foundation.