Полуправа

• Во Евклидовата геометрија, за две различни точки А и В, постои една единствена полуправа со почетна точка А, која поминува низ B (па потоа продолжува бескрајно во таа насока). Истата се означува со ${\displaystyle AB}$, а поретко и со ${\displaystyle A{\overrightarrow {B}}}$  или ${\displaystyle [A{B})}$ .
• Полуправата е еднодимензионален објект, т.е. има должина, но нема ниту ширина ниту висина.
• Полуправата има само една крајна точка (теме кое се смета за почеток), па затоа нема одредена должина, односно има бескрајна должина.

Најчесто се користи поимот полуправа во следниве објаснувања.

• Секоја точка А на една права ја дели правата во две полуправи.
• Нека А и В се две различни точки. Пресекот на полуправите${\displaystyle [A{B})}$  и ${\displaystyle [BA)}$  е отсечката ${\displaystyle {\overline {AB}}}$  .
• Две посебни полуправи  ${\displaystyle [AB)}$   и  ${\displaystyle [AC)}$   со иста почетна точка определуваат агол.
• Бројна оска е (единствената) права во еднодимензионален реален простор, а секоја полуправа на неа е решение на линеарна неравенка со една непозната. (На пример, неравенката ${\displaystyle x>3}$  геометриски се претставува со отворена полуправа која почнува во ${\displaystyle x=3}$  и продолжува бескрајно надесно.)

Параметарски облик на полуправа во тридимензионален простор

Нека се дадени две точки ${\displaystyle A(x_{1},y_{1},z_{1}),B(x_{2},y_{2},z_{2})\in \mathbb {R} ^{3}}$ . Параметарскиот облик на полуправата со почеток во А, и која поминува низ В е ограничување на параметарскиот облик на правата низ А и В за ${\displaystyle t\in [0,+\infty )}$ , односно

  ${\displaystyle \left\{{\begin{array}{*{20}{l}}{x(t)={x_{1}}+{a}t}\\{y(t)={y_{1}}+{b}t}\\{z(t)={z_{1}}+{c}t}\end{array}}\right.}$  каде ${\displaystyle {a=(x_{2}-x_{1})},\,{b=(y_{2}-y_{1})},\,{c=(z_{2}-z_{1})}}$  ,   ${\displaystyle t\in [0,\infty )}$  .