Лов

Основна цел на активностите од овој домен е формирање и трајно одржување стабилни популации дивеч, со оптимална полова и возрасна структура за континуирана репродукција на здрави и квалитетни единки со високи трофејни вредности. Како стопанска дејност ѝ се придава посебна важност, особено од аспект на заштитата на природата.

Во своето дело, „Пофалба на глупоста“, Еразмо Ротердамски го исмејува ловот како нешто глупаво при што, постојано гонејќи го дивечот, ловците не постигнуваат ништо освен што самите се претвораат во диви ѕверови.

Во Македонија, во рамките на секторот за шумарство во Министерството за земјоделство, шумарство и водостопанство постои посебно одделение за лов, надлежно за целокупната организација и управување на оваа дејност. На Шумарскиот факултет во Скопје, Катедрата за лов ја раководат еминентни специјалисти, чиј придонес во науката и практиката е особено значаен.

Во Македонија постојат 265 ловишта, од кои 250 имаат постојан концесионер. Концесиите за ловишта за крупен дивеч изнесуваат 20 години, а за оние за ситен дивеч - 10 години. Притоа, најголем број ловишта има во околината на Скопје, а повеќето македонски ловишта се за ситен дивеч. Во 2014 година, во државниот буџет влегле 17 милиони денари како приходи од концесии за ловиштата. Истовремено, македонските ловишта ги посетиле околу 40.000 ловци, т.е. бројот се удвоил во споредба со 2005 година, кога нив ги посетиле 20.000 ловци.

 

Ловот се јавува како тема во бројни дела од уметноста и популарната култура, како:

• „Најдобриот лов“ (српски: Најбољи лов) - српска народна песна.
• „Лов на штиглици“ - краток расказ на македонскиот писател Петко Дабески.
• „Малите ловци“ — расказ за деца на македонскиот писател Киро Донев од 2013 година.
• „Мојот лов“ (српски: Мој лов) - песна на српскиот поет Јован Јовановиќ-Змај.
• „Лов“ - песна на полскиот поет Тимотеуш Карпович.
• „Ловец“ (шпански: Cazador) - песна на шпанскиот поет Федерико Гарсија Лорка.
• „Љубов“ (француски: Amour) — расказ на францускиот писател Ги де Мопасан од 1886 година.
• „Лов“ - песна на српскиот поет Миодраг Павловиќ.
• „Ловецот и верверичката“ - басна на американскиот писател Емброуз Бирс.
• „Лов“ - песна на македонскиот поет Анте Поповски.
• „Ловецот“ (српски: Lovca) - песна на српскиот поет Васко Попа од 1954 година.
• „Злосреќниот ловец“ — расказ на италијанскиот писател Џани Родари.
• „Љгов“ — расказ на рускиот писател Иван Тургенев.
• „Шумата и степата“ — расказ на Иван Тургенев.
• „Ловци“ - краток расказ на рускиот писател Данил Хармс.
• „Алпскиот ловец“ (германски: Der Alpenjäger) - песна на германскиот поет Фридрих Шилер.
• „Со стрела, со лак...“ (германски: Mit dem Bogen, mid dem Pfeil...) - песна на Фридрих Шилер.
• „Ловецот и дрварот“ - басна на старогрчкиот баснописец Езоп.
• „Ловци“ - кус расказ на македонскиот писател Митко Маџунков од 1984 година.
• „Ловецот и ловот“ (англиски: Hunter And The Hunted) - песна на шкотската рок-група Симпл мајнд (Simple MInds) од 1982 година.
• „Лов“ (англиски: The Hunt) - песна на бразилската треш метал-група Сепултура (Sepultura) од 1993 година.