Етра, (грчки: Aither, латински: Aether) е име на неколку женски ликови од старогрчката митологија.
Етра била ќерка на Питеј од Трезен, а заедно со атинскиот крал Егеј — или во некои верзии со Посејдон — мајка на Тезеј.
Егеј отишол во Трезен, (град југозападно од Атина) каде ја запозанал Етра. Откако спиела со Егеј таа отпловила на островот Сферија каде забременила со Посејдон. Кога дознал дека Етра е трудна, Егеј се вратил во Атина.
Пред заминувањето ги сокрил под еден камен своите сандали, штит и меч и и рекол дека ќе и го признае синот ако се појави во Атина со сокриено оружје. Етра го родила Тезеј, кој го померил каменот и го земал татковото оружје, така што Егеј го признал за син.
Подоцна Тезеј ја грабнал Елена и ја дал на чување на Етра. Браќата на Елена - Диоскури - ја ослободиле Елена, а во знак на одмазда ја одвеле Етра со Елена во Троја.
Етра ја пронашол внукот Акамас за време на падот на градот Троја.
Етра е име на една од Океанидите, 3000 ќерки на Океан и Тетија. Оваа Етра понекогаш ја нарекуваат и жена на Атлас, мајка на Плејадите - иако, многу извори наведуваат дека Плејади се потомци на Плеиона.
Личноста наречена Етра - можеби Океанида - според еден извор, била сопруга на Хиперион, и мајка на Хелиос, Еос и Селена.
Уште една Етра била сопруга на Спартанецот Палант. Го исполнила пророштвото со солзи дадено на мажот, после што тој го освоил Таранто.
This article uses material from the Wikipedia Македонски article Етра (митологија), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.