Dota 2

Dota 2 претставува директно продолжение на мапата Defense of the Ancients за Warcraft III: Reign of Chaos и нејзината експанзија The Frozen Throne. За првпат била најавена на 13 октомври 2010, преку Game Informer, и официјално издадена во јули 2013 после скоро две-годишен период на бета тестирање започнат во септември 2011. Моментално е достапна бесплатно преку платформата за видео игри Steam.

Dota 2
Лого
Изработувач(и)	Valve Corporation
Дистрибутер	Steam (онлајн)
Дизајнер(и)	IceFrog
Погон	Source engine
Подлоги	Линукс, Microsoft Windows, Mac OS X
Режим(и)	Самостоен, здружен и групен
Начин на контролирање	Тастатура, глувче

Dota 2 се игра во партии кои обично траат од 20 до 60 минути. Во една партија учествуваат 10 играчи распределени во 2 тимови кои имаат своја база на спротивните краеви на мапата. Во секоја од базите се наоѓа градба наречена „Ancient“, и целта на играта е да се уништи противничкиот Ancient и да се заштити својот Ancient од противниците. Секој играч контролира лик наречен херој со кој може да учествува во тимски битки преку кои треба да стигне до непријателскиот Ancient и да го уништи.

Dota 2 е една од најиграните онлајн игри во светот со 800.000 играчи во било кое време. Голем дел од популарноста на Dota 2 се должи и до нејзината компетитивност, одржувајќи повеќе турнири месечно со големи парични награди и голем број публика. Професионалните играчи на Dota 2 се едни од најплатените играчи од сите видео игри.