Охридско Орман: село во Општина Охрид

 

Лежи на источните падини на ридот Чекоштина. Се наоѓа на околу 2,5 км северозападно (воздушна линија) од средиштето на Охрид. Северно од Орман е Долно Лакочереј кое е оддалечено околу 2 км (воздушна линија). На северозапад е Подмоље на 3,6 км далечина во воздушна линија. Од Охридско Езеро оддалечено е околу 1,8 км во воздушна линија.

Во XIX век селото било дел од Охридската каза на Отоманското Царство.

Според статистиката на Васил К’нчов („Македонија, Етнографија и статистика“) од 1900 година, во Орман живееле 50 жители, сите Македонци. Според егзархискиот секретар Димитар Мишев, („La Macédoine et sa Population Chrétienne“) во 1905 година во Орман имало 88 Македонци, под врховенството на Бугарската егзархија.

На Етнографската карта на Битолскиот Вилает од 1901 г. Орман е претставен како чисто македонско село во Охридската каза на Битолскиот санџак со 11 куќи.

Според германска карта издадена во 1941 година, а заснована на пописот на Кралството Југославија од 1931 година, селото имало 50 Македонци.

Според пописот на населението во Македонија од 2002 година, селото има 104 жители, сите Македонци.

Според последниот попис од 2021 година, во селото живееле 119 жители, од кои 106 Македонци, 2 Албанци и 11 лица без податоци.

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.; за 1905 г.: La Macédoine et sa Population Chrétienne.; за 1948-2002 г.: Државен завод за статистика на РМ.; за 2021 г.: Државен завод за статистика на РМ.

Родови

Орман е македонско село.

Според истражувањата од 1978 година, родови во селото се:

• Доселеници: Тодоровци (2 к.) најстар род во селото. Доселени се од селото Оровник, го знаат следното родословие: Никола (жив на 67 г. во 1978 година) Димо-Тодор, основачот на родот кој се доселил, тоа било во 1880 година; Стојановци (10 к.) доселени се од селото Косел; Ѓоргијовци (2 к.) доселени се од селото Завој; Трајковци (1 к.) доселени се од селото Куратица; Балазовци (1 к.) доселени се од селото Велмеј, Дебрца; Николовци (3 к.) доселени се во 1933 година од селото Косел; Ристевци (3 к.) доселени се во 1934 година од селото Речица; Трајчевци (3 к.) доселени се од селото Коњско; Младеновци (2 к.) и Ничевци (1 к.) доселени се од селото Коњско после Втората светска војна; Неделковци (1 к.) доселени се од селото Куратица после Втората светска војна; Мицковци (1 к.) доселени се од селото Свиништа после Втората светска војна.

•  
  Стара градба во северниот дел на селото
•  
  Стара куќа во средишниот дел на селото
•  
  Куќа во средишниот дел на селото
•  
  Стара куќа во средишниот дел на селото
•  
  Стара куќа во средишниот дел на селото

•  
  Стара куќа во средишниот дел на селото
•  
  Стара куќа во средишниот дел на селото
•  
  Куќа во јужниот дел на селото

 

 

Цркви

• Црква „Св. Наум Охридски“

Археолошки наоѓалишта

• Маалски Рид — населба и некропола од римското време;
• Мауцкер — градска населба од хеленистичкото време од IV век п.н.е;
• Орман — населба од младото камено време и некропола од римското време
• Чекоштина — некропола од доцноантичкото време;

Реки

• Опеничка Река - позната и како Коселска Река или Даљан

Но и покрај тоа што во селото се забележувало доселување од околните села. Тоа сепак и дало иселеници. До 1980 година иселеници има во Охрид (две семејства) и во Австралија (четири семејства).

Орманчани се иселиле во селото Подмоље.

•  
  Влезот на Орман преку источниот пат кој го поврзува Орман со Охрид.
•  
  Месната заедница
•  
  Северниот дел на селото
•  
  Северниот дел на селото
•  
  Сокак во средишниот дел на селото
•  
  Сокак во средишниот дел на селото
•  
  Сокак во средишниот дел на селото
•  
  Сокак во јужниот дел на селото
•  
  Блиска панорама од запад