Николај Денков

Николај Денков Николай Денков
58. премиер на Бугарија
На должноста
Стапил 6 јуни 2023
Претседател	Румен Радев
Претходник	Галаб Донев
Министер за образование и наука
На должноста 12 Маj 2021 – 2 Август 2022
Премиер	Стефан Jанев Кирил Петков
Претходник	Красимир Валчев
Наследник	Сашо Пенов
На должноста 27 Јануари 2017 – 4 Маj 2017
Премиер	Огнjан Герджиков
Претходник	Меглена Кунева
Наследник	Красимир Валчев
Лични податоци
Роден(а)	3 септември 1962(1962-09-03) (61 г.) Стара Загора, Бугарија
Државјанство	Бугарија
Партија	Продолжуваме со промената
Деца	1
Установа	Софиски универзитет
Занимање	политичар академик

Од 27 јануари 2017 година до 4 мај 2017 година бил министер за образование и наука во преодната влада на Огњан Герџиков. Тој ја извршуваше оваа функција во првата и втората техничка влада на Стефан Јанев од 12 мај до 13 декември 2021 година. Во периодот од 13 декември 2021 до 2 август 2022 година бил министер за образование и наука во редовната влада на Кирил Петков. На 6 јуни 2023 година Николај Денков беше избран од Народното собрание за премиер на Република Бугарија. Бил е народен претставник во XLVIII-то Народно Собрание и во XLIX-то Народно Собрание од „Продолжуваме со промената“.

Роден е на 3 септември 1962 година во Стара Загора. Во 1980 година дипломирал на Националната гимназија за природно-математички науки во Софија. Во 1987 година магистрирал на Хемиско-фармацевтскиот факултет на Софискиот универзитет „Св. Климент Охридски“. Во 1993 година ја одбранил докторската теза на тема „Меѓучестички интеракции и агрегација во колоидни системи“, од 1997 година е вонреден професор, а од 2008 година е професор по физичка хемија на Универзитетот. Од 2008 до 2015 година бил раководител на Катедрата за инженерска хемија и директор на магистерската програма „Дисперзни системи по хемиски технологии“ на Хемискиот и Фармацевтскиот факултет на Софискиот универзитет. Од 2007 година докторира по хемиски науки со теза на тема „Течни филмови во присуство на колоидни честички - стабилност и формирање на подредени структури“. Специјализирал во Јапонија и на Универзитетот во Упсала, Шведска. Работи како водечки научник во истражувачките институти на Unilever (САД) и Rhone-Poulenc (Франција). Академик Денков е оженет и има еден син.

Автор е на повеќе од 130 научни публикации и раководител на повеќе од 40 меѓународни научни и научно-апликативни проекти со надворешно финансирање. Учествува во управните комитети на три европски научни мрежи. Зборува англиски и руски јазик. Во октомври 2021 година бил избран за академик на БАН.