Нивичино: село во Општина Василево

Денес е раселено и од него остануваат мошне малку градби.

Нивичино
Нивичино Местоположба на Нивичино во Македонија Нивичино на карта
Координати 41°36′0″N 22°40′28″E / 41.60000° СГШ; 22.67444° ИГД / 41.60000; 22.67444
Општина	Василево
Население	0 жит. (поп. 2021)
Шифра на КО	27044
Надм. вис.	650 м
Нивичино на општинската карта Атарот на Нивичино во рамките на општината
Нивичино на Ризницата

Селото се наоѓа северно од Струмица, на планината Готен.

Во „Етнографија на вилаетите Адријанопол, Монастир и Салоника“ се вели дека во 1873 г. Нивичин (Nivitchine) е село сп 35 домаќинства сочинети од 124 Македонци. Според статистиката на Васил К’нчов („Македонија. Етнографија и статистика“) од 1900 г. Нивичено има 165 жители, сите Македонци христијани.

Според секретарот на Бугарската егзархија Димитар Мишев, во 1905 година во Нивичино имало 224 Македонци под врховенството на Цариградската патријаршија.

Во селото и неговата околина дејствувала Нивичанската чета предводена од револуционерот Атанас Цонев. Освен против отоманските власти, таа се борела и против врховистите кои минувале низ селото. Попозната акција во која учествувала четата е аферата „Мис Стон“.

Според германска карта издадена во 1941 година, а заснована на пописот на Кралството Југославија од 1931 година, селото имало 300 Македонци.

Од 1994 година, селото е наполно раселено и нема жители. Најголем број на население било забележано во 1953 година, за понатаму да почне постепено да опаѓа. На табелата е прикажан преглед на населението во сите пописни години:

Родови

Според истражувањата од 1928 година, родови во селото.

• Староседелци: Николовци со Пецовци, Василевци, Аврамовци, Витановци, Рујковци и Стоиловци (15 к.), Цоневци (5 к.), Масларци со Костадиновци (7 к.), Цековци со Јовановци, Трајановци и Димитријевци (5 к.)
• Доселеници: Гоцевци (4 к.), Малиновци (3 к.) и Ристовци (2 к.) доселени се во 1913 година од раселеното село Рајанци, се наоѓало помеѓу Струмичко и Радовишко.

Избирачко место

Селото е опфатено во избирачкото место бр. 1808 според Државната изборна комисија, сместени во просториите на основното училиште на селото Висока Маала.

На претседателските избори во 2019 година, на ова избирачко место биле запишани вкупно 430 гласачи.

Цркви

• Црква „Св. Илија“ од XIX век

• Атанас Цонев - Нивички (1857 - по 1943) — македонски револуционер
• Димитар Нивичанов или Нивичански (ок. 1896 - по 1975) — офицер во Бугарија, активен во македонската емиграција во Бугарија