Мост На Жепа
Мостот на реката Жепа — мост кој се наоѓа на реката Жепа, во населеното место Жепа во Општина Рогатица во Република Српска во Босна и Херцеговина.
Камениот мост датира од Отоманското Царство и нејзината окупација на Босна. На самото устие на реката мостот се наоѓал сè до 1966 година, кога бил демонтиран и реконструиран на друга локација поради изградбата на Хидроелектраната „Баина Башта“. Новата локација се наоѓа на 500 метри од населеното место Жепа, недалеку од објектот Реџеп-пашина кула, која е изградена во исто време со мостот. Мостот е на списокот на национални споменици на Босна и Херцеговина.
Историја
Во старите записи и патописи нема податоци за градителот и времето на изградба на мостот, ниту пак има останато плоча со запис од сличен карактер. Како и за другите споменици од тој период, луѓето создале легенди и преданија. Така, една легенда вели дека, мостот бил изграден од еден ученик на Мимар Синан, градител на мостот во Вишеград. Друга легенда вели дека, тој е дело на везирот Јусуф.
Поврзано
- Мостот на Жепа, расказ.
Наводи
- Комисија/Повјеренства за очување националних споменика Архивирано на 19 септември 2015 г., Босна и Херцеговина
Литература
- (српски) Херман, К.,Гласник Земаљског музеја, 1889.
This article uses material from the Wikipedia Македонски article Мост на Жепа, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.