„Крикови и шепотења“ (шведски: Viskningar och rop) е шведски филм од 1972 година, дело на режисерот Ингмар Бергман.
Главните улоги во филмот ги толкуваат: Лив Улман, Хариет Андерсон, Ингрид Тулин, Кари Силван, Ерланд Јозефсон, Хенинг Морицен, Георг Арлин и Андерс Ек. Директор на фотографијата е Свен Никвист, кој за својата камера ја добил наградата „Оскар“, а, исто така, филмот бил номиниран и за „Оскар“ во следниве категории: најдобра костимографија, најдобра режија, најдобро оригинално сценарио и најдобар странски филм.
Филмот претставува психолошка драма за тешко болната Агнес (ја игра Андерсон), чии две сестри Карин (ја игра Тулин) и Марија (ја игра Улман) ја посетуваат на смртната постела. Сестрите се растргнати помеѓу стравот и надежта дека нивната болна сестра ќе умре. Додека ја чекаат нејзината смрт, полека се откриваат нивните односи, исполнети со меѓусебна нетрпеливост и омраза. Единствено, слугинката Ана (ја игра Силван) е таа која цело време сочувствува со Агнес. На крајот на филмот, по смртта на Агнес, двете сестри се разделуваат со студен тон, при што ја покажуваат својата себичност и нечовечност во односот со Ана, на која воопшто не сакаат да ѝ помогнат, иако таа цели 12 години се грижела за болната Агнес. За спомен на умрената, Ана го зема нејзиниот дневник.
This article uses material from the Wikipedia Македонски article Крикови и шепотења (филм), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.