Тетовско Бродец: село во Општина Тетово

Според германска карта издадена во 1941 година, а заснована на пописот на Кралство Југославија во 1931 година, селото имало 400 Албанци.

На пописот од 2002 година, селото имало 1.136 жители, сите Албанци.

Според последниот попис од 2021 година, во селото живееле 734 жители, од кои 651 Албанец и 83 лица без податоци.

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.; за 1905 г.: La Macédoine et sa Population Chrétienne.; за 1948-2002 г.: Државен завод за статистика на РМ.; за 2021 г.: Државен завод за статистика на РМ.

Родови

Бродец е албанско село.

Според истражувањата од 1940-тите родови во селото се:

• Доселеници: Бајрамлар (38 к.), Јусуфолар (18 к.), Дилалар (13 к.), Селманлар (12 к.), Маљалар (8 к.), Љусње (5 к.) и Аметалар (7 к.) доселени се од разни места во северна Албанија (Љума, Љусна, итн). Сите се доселени до средината на XIX век.

Избирачко место

Во селото постои избирачкото место бр. 2088 според Државната изборна комисија, сместени во просториите на основното училиште.

На претседателските избори во 2019 година, на ова избирачко место биле запишани вкупно 960 гласачи.

Од селото се имаат иселено Македонците од како селото било заземено од доселените Геги (Албанци). Се знае за имињата на некои македонски иселени родови, како: Спасеновци и Иловци. За кои не се знае каде се иселиле. Родот Никовци (8 к.) се иселени во селото Лавце.