Aplikasi Telegram
Telegram iyolah saparangkaik alaik layanan mangirim pasan instan multiplatform babasis awan nan gratis jo nirlaba.
Klien Telegram tasadio untuak parangkaik talepon seluler (Android, iOS, Windows Phone, Ubuntu Touch) jo sistem parangkaik komputer (Windows, OS X, Linux). Pangguno dapek mangirim pasan jo batuka poto, vidio, stiker, audio, jo tipe berkas file lainnyo. Telegram manyadiokan juo pangiriman pasan enkripsi ujuang-ka-ujuang opsional.
| Telegram 2019 Logo.svg | |
Screenshot File:Telegram Android screenshot.svg Telegram on Android Lollipop | |
| Pangambang | Telegram Messenger LLP |
|---|---|
| Rilis awal | Agustus 2013 |
| rilis stabil | Templat:Latest stable software release/Telegram |
| Status pangambangan | Aktif |
| Sistim operasi | Android, iOS, Windows Phone, Ubuntu Touch, MS Windows, Linux, OS X |
| Ukuran | 23 MB (Android) 180.3 MB (iOS) 49,3 MB (Windows Phone) |
| Katasadioan bahaso | Bahaso Inggirih, Bahaso Arab, Bahaso Spanyol, Bahasa Jerman, Bahaso Indonesia, Bahaso Italia, Bahaso Korea, Bahasa Belanda, Bahaso Portugis (Brasil jo Portugal) |
| Jenis | Pesan Instan |
| Lisensi | GPL v2 (klien) Sumber-tertutup (server) |
| Paringkek Alexa | ▲ 3,825 |
| Situs web rasmi | telegram.org |
Telegram dikambangan dek Telegram Messanger LLP dan didukuang panuah dek wirausahawan Rusia Pavel Durov. Kode pihak kliennyo barupo parangkaik lunak sistem tabukak namun bak'itu maganduang blob binari, jo kode sumber untuak versi tabaru indak capek dipublikasian, sadangkan kode sisi servernyo basumber tatutuik dan bapaten. Layanan iko manyadiokan juo API kapado pagambang independen. Pado Februari 2016, Telegram manyatokan bahwasanyo inyo alah mampunyoi 100 juta pangguno aktif bulanan, dan mangiriman 15 pasan per harinyo.
Keamanan Telegram alah manghadapi pamaresoan nan talili nan manjadi paratian; para kritikus mangklaim model keamanan Telegram dirusak dek panggunoan protokol enkripsi nan dirancang sacaro khusus nan alum tabukti handal jo aman, sarato indak mangaktifan pacakapan nan aman sacaro default. Telegram manghadapi juo kritikan karano panggunoan skala luweh dek Negara Islam Irak dan Syam (NIIS). NIIS alah mambuek rekomendasi untuak mampagunoan Telegram kapado para pandukuang jo anggotanyo dan tapek bulan Oktober 2015 inyo alah bisa malipekgandokan jumlah pangikuik saluran resmi inyo manjadi 9.000 urang.
Sijarah
Pagambangan
Telegram dirilih dek duo badunsanak Nikolai Durov jo Pavel Durov pado taun 2013, sabalumnyo inyo alah mambuek platform media sosial Rusia nan banamo Vkontakte, nan inyo tinggaan pado taun 2014 karano diambiak dek sekutu Presiden Putin. Pavel Durov manjua siso sahamnyo di VK dan maningga'an Rusia sasudah mandapek takanan dari pihak pamarentah. Nikolai mambuek protokol platform digital lainnyo nan babasis pado pangiriman pasan, samantaro Pavel dunsanaknyo manyadiokan dukuangan pandanaan jo infrastruktur dari parusahaannyo Digital Fortress. Telegram manyatokan bahwasanyo tujuan akhir Telegram ko bukanlah samato-mato untuak kauntungan sajo, dan indak pulo tamasuak kadalam struktur organisasi non-profit atau nirlaba.
Telegram tadaftar sabagai organisasi bisnis babantuak LLP di Inggris dan LLC di Amerika, nan artinyo inyo indak mangunkapkan dimano inyo manyewa kantua atau badan hukum apo nan inyo pakai, alasannyo iyolah untuak malinduanggi timnyo dari pamintak'an data dek pamarentah. Pavel Durov mangatoan bahwasanyo kantua pusek inyo barado di Berlin, Jerman, antaro taun 2014 hinggo taun 2015, pindah dikaranoan pabedaan yuridiksi ijin tingga untuak satiok urang didalam timnyo. Sasudah Pavel Durov maningga'an Rusia, inyo bapindah-pindah tampek dari ciek nagari ka nagari lain basamo sakalompok ketek programernyo nan marupokan 15 anggota inti. Manuruik informasi media, Telegram mampunyoi karyawan di Saint Petersburg, sadangkan tim intinyo bamarkas di Dubai per 2017.
Jumlah pangguno
Pado bulan Oktober 2013, Telegram mangumumkan 100.00 pangguno aktif harian. Pado 24 Maret 2014, Telegram mangumumkan bahwasanyo alah mancapai 35 juta pangguno bulanan jo 15 juta pangguno aktif harian. Oktober 2014, karano rancana pamarentah Korea Selatan dalam mancaliakan warganyo mambuek warganyo bapindah ka Telegram. Pado Desember 2014, Telegram mangumumkan bahwasanyo alah mancapai 50 juta pangguno aktif, dari situ manghasilkan 1 miliar pasan satiok harinyo, jo 1 juta pangguno baru satiok minggu, lalu lintas pasan manjadi duo kali lipek dalam limo bulan jo 2 miliar pasan satiok hari. Pado September 2015, Telegram mangumumkan bahwasanyo aplikasinyo kini alah mancapai 60 juta pangguno aktif jo alah mangirim 12 miliar pasan harian.
Februari 2016, Telegram mangumumkan alah mancapai 100 juta pangguno aktif satiok bulan, dengan 350.000 pangguno baru satiok harinyo; mangirimkan 15 miliar pasan harian. Pado Desember 2017, Telegram mancapai 180 juta pangguno aktif bulanan. Pado Maret 2018 Telegram mancapai 200 juta pangguno aktif bulanan. Pado 14 Maret 2019, Pavel Durov mangklaim bahwasanyo "3 juta pangguno baru alah mandaftar dalam kurun waktu 24 jam". Durov indak manyabuik sacaro kusus apo nan mandorong banyaknyo pangguno baru mandaftar, tetapi tajawek dari periode waktu nan tapek katiko pamadaman teknis bakapanjangan nan dialami dek Facebook jo aplikasi anak parusahaannyo, tamasuak Instagram.
Manuruik Komisi Sekuritas jo Bursa AS, jumlah pangguno aktif per bulannyo Telegram hinggo Oktober 2019 adolah 300 juta urang di saluruah dunia.
Pado April 2020, Telegram mangumumkan bahwasanyo alah mancapai 400 juta pangguno aktif per bulannyo. Pado 8 Januari 2021, Durov mangumumkan dalam postingan blog di Telegram bahwa alah mancapai 500 juta pangguno aktif satiok bulan.
Fitur
Akun
Akun Telegram taikek ka nomor talepon pangguno nan diverifikasi malalui sms. Untuk mambuek akun diparaluan parangkaik iOS atau Android talapeh dari platform apo nan akan digunoan. Pangguno bisa manambahan babarapo parangkaik untuak akun inyo dan manarimo pasan dari sado parangkaik tasabuik. Parangkaik nan tahubuang bisa dilapehan sacaro ciek-ciek atau sakali kasadonyo. Nomor ta'ikek dapek diubah kapan sajo dan katiko malakuannyo, daftar kontak pangguno nan manyimpan nomor pangguno akan manarimo nomor baru sacaro otomatih. Selain tuh, pangguno dapek mangatur namo pangguno sabagai alias nan mamungkinan inyo mangirim jo manarimo pasan tanpa manampakan nomor talepon inyo. Akun telegram bisa dihapuih kapan sajo dan dihapuih sacaro otomatih sasudah anam bulan indak aktif sacaro standarnyo, dan sacaro opsional dapek diubah dari 1 bulan paliang capek hinggo 12 bulan paliang lamo dan kisaran antaro kaduonyo. Pangguno dapek mangganti rincian stempel wakatu "tarakhir taliek" jo pasan nan labiah luweh sarupo "tarakhir taliek baru-baru iko".
Metode autentifikasi standar nan digunoan Telegram untuak login adolah autentikasi faktor tunggal babasis sms. Pangiriman kode sandi sakali via sms ka namor pangguno diparaluan untuak masuak ka akun sacaro default. Pangguno juo mampunyoi pilihan untuak mambuek kato sandi sabagai bantuak verifikasi duo langkah.
Telegram mamungkinan pambuaekan grup, bot, jo saluran media sosial terverifikasi resmi atau halaman wikipedia untuak diverifikasi tatapi indak akun pangguno.
Pasan babasis cloud
Pasan default Telegram ko babasis cloud juo bisa diakses dek parangkaik pangguno apopun nan tahubuang. Pangguno dapek babagi poto, vidio, pasan audio, jo file lainnyo (hinggo 2 gigabyte per file). Pangguno dapek mangirim pasan ka pangguno lainnyo sacaro ciek-ciek atau languang kasadoalahnyo ka pangguno di dalam grup nan didalam grup ko barangotaan 200.000 anggota. Pasan takirim bisa diedit dalam kurun wakatu 48 jam sasudah pasan tasabuik takirim jo bisa dihapuih bilo sajo sakahandak hati baik di kolom pasan pangguno nan mangirim pasan ataupun panarimo pasan. Pasan pado sadoalah chat, tamasuak grup jo saluran, bisa diatur untuak dihapuih sacaro otomatih sasudah 24 jam atau 7 hari, hal iko hanyo balaku untuak pasan nan dikirim sasudah panghituang wakatu hapuih otomatih diaktifan.
Telegram manawakan draf pasan nan bisa disinkronan jo sadoalah parangkaik pangguno, sarupo katiko pangguno mulai mangetik pasan di ciek parangkaik dan kamudian dapek malanjuikan di parangkaik nan lainnyo. Draf ko tetap ado pado area panyuntiangan di parangkaik mano sajo hinggo pasan tasabuik dikirim atau dihapus. Sado chat, tamasuak grup jo channel, bisa diuruikan kadalam folder nan disasuian surang dek pangguno. Pangguno punyo pilihan untuak manjadwalan pasan dalam kolom chat pribadi untuak dikirim katiko panarimo pasan sadang online.[] Pangguno bisa juo maambiak histori obrolan, tamasuak pasan, jo media, dari WhatsApp, Line jo Kakaotalk karano portabilits data, baiak mambuek chat baru untuak manyimpan pasan atau manambahkannyo ka pasan nan alah ado.
Transmisi dari pasan cloud ka server Telegram dienkripsi dek layanan protokol MTProto, samantaro "Chat Rahasio" manggunoan enkripsi ujuang-ka-ujuang jo protokol nan samo. Manuruik kabijakan privasi Telegram, "sadoalah data nan disimpan dengan sangaik taenkripsi jo kunci enkripsi pado satiok kasus disimpan pado babarapo data pusat nan lain jo yuridiksi nan babeda. Dengan caro ko teknisi programer atau panyusup indak bisa mangakses data pangguno. Database lokal untuak pasan di Telegram indak dienkripsi sacaro default. Babarapo klien Telegram maijinkan pangguno untuak mangenkripsi basis data lokal dari pasan dengan manggunoan phrasa sandi.
Pangguno Telegram dapek mambagian lokasi inyo sacaro langsuang ka obrolan salamo 15 minik, ciek jam, atau 8 jam. Jikok ado pangguno babagi lokasi inyo sacaro live dalam grup, lokasi akan dicaliakan di peta interaktif. Babagi "lokasi live" bisa dibarantian katiko kapan sajo.
Rujuakan
Sumber
- Jakobsen, Jakob; Orlandi, Claudio (8 December 2015). "On the CCA (in)security of MTProto" (PDF). Cryptology ePrint Archive. International Association for Cryptologic Research (IACR). Diakses tanggal 11 December 2015.
- Rottermanner, Christoph; Kieseberg, Peter; Huber, Markus; Schmiedecker, Martin; Schrittwieser, Sebastian (December 2015). "Privacy and Data Protection in Smartphone Messengers". Proceedings of the 17th International Conference on Information Integration and Web-based Applications & Services (iiWAS2015). ACM International Conference Proceedings Series. ISBN 978-1-4503-3491-4. https://www.sba-research.org/wp-content/uploads/publications/paper_drafthp.pdf. Diakses pado 18 Maret 2016.
- Miculan, Marino; Vitocolonna, Nicola (5 December 2020). "Automated Symbolic Verification of Telegram's MTProto 2.0" (PDF). University of Udine. arXiv:2012.03141v1
. Diarsipkan dari versi asli (PDF) tanggal 9 December 2020. Diakses tanggal 21 December 2020. - Abu-Salma1, Ruba; Krol, Kat; Parkin, Simon; Kohl, Victoria; Kwan, Kevin; Mahboob, Jazib; Traboulsi, Zahra; Sasse, M. Angela. "The Security Blanket of the Chat World:An Analytic Evaluation and a User Study of Telegram" (PDF). University College London. Diarsipkan dari versi asli (PDF) tanggal 5 February 2021. Diakses tanggal 7 February 2021.
- Hannan Bin Azhar, M A; Barton, Thomas Edward Allen. "Forensic Analysis of Secure Ephemeral Messaging Applications on Android Platforms" (PDF). Canterbury Christ Church University. Diarsipkan dari versi asli (PDF) tanggal 27 June 2021. Diakses tanggal 7 February 2021.
- Espinoza, Antonio; Tolley, William (August 2017). "Alice and Bob, who the FOCI are they?:Analysis of end-to-end encryption in the LINE messaging application" (PDF). Usenix. USENIX Association. Diarsipkan dari versi asli (PDF) tanggal 11 May 2021. Diakses tanggal 12 May 2021.
This article uses material from the Wikipedia Minangkabau article Telegram (aplikasi), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.