Bahaso Korea

Bahaso ko ditutuakan sacaro laweh di Yanbian di Cino timur laut. Sacaro kasaluruahan, ado sakitar 78 juta panutua baso Korea di sadoalah dunia tamasuak kalompok-kalompook di Uni Soviet, AS, Kanada jo Japang. Klasifikasi rasmi bahaso Korea masih alun disatujui sacaro universal, tapi dianggap dek banyak urang sabagai bahaso isolat. Sabagian mamasuakannyo ka dalam kalompok bahaso Altaik. Bahaso Korea banyak nan mirip jo bahaso Japang.

Korea
한국어, 조선말 Hanguk-eo, Joseonmal
Ditutuakan di	Korea Selatan, Korea Utara, Republik Rakyaik Cino
Jumalah panutua	78 juta  (indak ado tanggal)
Rumpun bahaso	Bahaso isolat
Sistim panulihan	Eksklusif Hangul (Korea Utara), campuran Hangul jo hanja (Korea Selatan), atau aksara Sirilik (jarang dipakai dalam Goryeomal)
Status rasmi
Bahaso rasmi di	Korea Selatan  Korea Utara Yanbian ( Cino)  Amerika Serikat (minoritas dan bantuan)
Diatur dek	Korea Selatan: Institusi Nasional Bahasa Korea 국립국어원 Korea Utara: Sahoegwahak-won eohak-yeon-guseo 사회과학원 어학연구소
Kode-kode bahaso
ISO 639-1	ko
ISO 639-2	kor
ISO 639-3	kor

Artikel iko mamuek teks Korea. Tanpa dukuangan multibahaso, Sanak mungkin hanyo mancaliak tando tanyo, tando kotak, atau karakter lain salain dari Hangul atau Hanja.

Sistem panulisan bahaso Korea nan asali — disabuik Hangul — marupakan sistem nan silabik jo fonetik. Aksara-aksara Sino-Korea (Hanja) juo digunokan untuak manulih bahaso Korea. Walaupun kato-kato nan paliang umum digunokan marupokan Hangul, labiah dari 70% kosakato bahaso Korea tadiri ateh kato-kato nan dibantuak dari Hanja atau diambiak dari bahaso Mandarin.

Huruf iko ditanamokan dek Rajo Sejong pado abaik ka-15, tanamo sabagai Hunmin Jeongeum. Namun istilah Hangul baru tanamo pado pamuloan abaik ka-20. Salapeh Hangeul digunokan pun, Hanja masih tatap dipakai, sadang Hangeul dipakai dek urang-urang indak bapandidikan, padusi jo anak-anak.

Namun pado pakambangannyo, Hangeul makin banyak digunokan bahkan pado abaik ka-19 dan pamuloan abaik ka-20, panggunoan Hangeul jo Hanja saimbang. Namun kini, Hanja hanyo dijumpoi pado tulisan-tulisan akademik jo resmi, sadangkan hampia sado papan namo, jalan, patunjuak, bahkan tulisan-tulisan informal ditulih dalam Hangeul.

Bahaso Korea pado dasanyo mampunyoi dialek-dialek nan saliang batalian ciek samo lain. Satiok wilayah dapek mamahami dialek lainnyo, kacuali dialek Pulau Jeju nan dianggap payah dimangarati dari dialek-dialek provinsi lainnyo.