फुटबल

एसोसिएशन फुटबल जकरा प्राय: फुटबल (अङ्ग्रेजी: फुट: लात वा पद, बल) वा सकर कहल जाइत अछि, ई संसारक लोकप्रिय खेलसभमे सँ एक छी । ई एकटा सामूहिक खेल छी आ एकरा ११/११ खेलाडीसभक दुई सममूह बीच खेलल जाइत अछि । फुटबलकें सामान्यत: एकटा आयताकार घाँस वा कृत्रिम घाँस भेल मैदानमे खेलल जाइत अछि जकरा अन्तिममे एकटा गोलपोस्ट होइत अछि । खेलाडीसभद्वारा विरोधी समूहको गोलपोस्टमे अपन चालाकीद्वारा फुटबलके गोल करनाए ई खेलक उद्देश्य छी । खेलमे गोलरक्षक मात्र एकटा एहन खेलाडी होइत अछि जे फुटबल रोकैक लेल अथवा बचाबैक लेल अपन हात प्रयोग करैक अनुमति होइत अछि । समूहक बाँकी खेलाडी प्रायजका फुटबलकें प्रहार (किक)क लेल अपन टाङ्गक प्रयोग करैत अछि । तथा कहियो काल हावामे बल रोकैक लेल अपन छाती या कपारक प्रयोग करैत अछि । जुन समूह खेलक अन्त वा समय समाप्तिधरि बेसी गोल करैमे सफल होइत अछि अन्त्यमे ओ टिम विजय घोषित होइत अछि । खेलक अन्त अर्थात समय समाप्तिधरि यदि स्कोर बराबर भेलापर ओ खेलकें बराबर वा ड्र घोषित कएल जा सकैत अछि वा खेलकें अतिरिक्त समयमे ल जाए पेनाल्टी शुट आउट द्वारा जितहारक निर्णय करनाए प्रतियोगिताक स्वरुप उपर निर्भर होइत अछि ।