Arè Bâbinè’ Internasional (bhâsa Inggris: International Women’s Day) iyâ arèya arè sè èrayaaghi è tangghâl 8 Marèt sabbhân taonna.
Arè Bâbinè’ Internasional èrayaaghi ḍâ’-aḍâ`en tangghâl 28 Fèbruwari 1909 è New York bân èpabâḍâ sareng Partai Sosialis Amerika. Demo sè èlakone sareng bâbinè’ è Petrograd sè èpabâdâ tangghâl 8 Maret 1917 mancèng bâḍâna Revolusi Rusia. Arè Bâbinè’ Internasional sacara resmi èpadhâddhi arè notop nasional è Soviet Rusia taon 1917, bân èrayaaghi sacara abhârengan è naghârâ sosialis otabâ komunis.
Taon 1977, Arè Bâbinè’ Internasional èresmiaaghi dhâddhi acara taonan sareng Perserikatan Bangsa-Bangsa (PBB) kaangghuy ajuangaghi hak bâbinè’ ban abujutaghi akor è dhunnya.
Sèttong carèta sè bâḍâ è lèngkeran kolomnis Prancis, bâḍâ sèttong bâbinè’ ḍâri buruh pabrik tekstil mabâḍâ demo è 8 Marèt 1857 neng New York. Demo rowa èlakonè kalabân tojjhuwân alabân panindasan bân gâji buruh sè mabâ, nangèng demo kasèbbhut èobusaghi sacara paksah sareng kapolisian. Tangghâl 8 Marèt 1907, Arè Bâbinè’ Internasional èresmiaghi dhâddhi parèngatan kalabân kasus sè kadhâddhien 50 taon sè tapongkor.
Temma Kaplan apendapat, “kadhâddhien kasebbhut ta’ toman bâdâ, nangèng bânnyak orèng Eropa sè parcajâ tangghâl 8 Marèt 1907 aropaaghi awwâl bâḍâna Arè Bâbinè’ Internasional.
This article uses material from the Wikipedia Madhurâ article Arè Bâbinè’ Internasional, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kontèn tasaḍiyâ è CC BY-SA 4.0 kajhâbhâ bâḍâ katrangan laèn. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Madhurâ (DUHOCTRUNGQUOC.VN) is an independent company and has no affiliation with Wiki Foundation.