Teheran
Dit artikel is gesjreve (of begós) in 't Remunjs.
Laes hie wie v'r mit de versjillende saorte Limburgs ómgaon.
Teheran of Tehran is de houfsjtad van Iraan. Ze ligk in 't naordelik deil van 't landj aan de voot van d'n Elboers. Tiejes de volkstèlling van 2006 had de sjtad taenge de 7.800.000 inweuners. Same mit de veursjtej weurt in 't sjteielik gebied 'n inweunersaantal van ruum 13 miljoen luuj gesjat.
Geografie
Teheran ligk op 'n heugde variërend van óngeveer 1100 maeter in 't zuje van de sjtad tót 1750 maeter in 't naordelik deil. 't Haet 'n landjklimaat mit grote temperatuursversjille tösse de zomer en de wintjer. De zomers zeen dreug en heit. De gemiddelde temperatuur veur de maondj juli ligk baove de dertig graoje. De wintjers zeen kaad, mit temperature róndj 't vreerpuntj. In de wintjer vèlt geregeld sjnee in de sjtad.
Teheran haet 'n groot aantal sjtraot mit aan beidskantje aaj platane.
This article uses material from the Wikipedia Limburgs article Teheran, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.