Sjravele

Laes hie wie v'r mit de versjillende saorte Limburgs ómgaon.

Sjravele is ein Limburgs woord veur ónröstig, óngedurig bewaege van emes dae neet sjtil kènt zitte of ligke. Sóms haet 't woord ouch de beteikenis van ein sjufelechtige meneer van zich veurtbewaege, biejveurbeeld es me in ein lang riej sjteit of es me mèt de auto of de fits euver allerlei bènnewaeg mót ómrieje, biejveurbeeld óm ein file te ómzeile.
Verwante Limburgse weurd zint wiemele (Nederlands wemelen), vreutele (Nederlands wroeten) en sjarre (Nederlands schrapen of krabben).

't Woord sjravele is aafgeleid van 't woord sjarre dat weer aafgeleid is van 't Middenederlandse scrâpen (de hujige Nederlandse weurd schrapen en krabben).

Es emes neet good sjtil kènt zitte wirt waal gesjpraoke van eine sjravelaer of ouch waal van eine wiemelaer.
De bezigheid van sjravele wirt gesjravel of gewiemel geneump.

• Wat bès dich toch veur eine sjravelaer – Nederlands: Wat ben je toch een wemelaar.
• Haw èns op mèt dat gesjravel - Nederlands: Hou eens op met dat gewemel.

• In 't Limburgse Genhout geuf 't ein vastelaovesvereiniging De Sjravelaire. Zuug hiejveur hunne website.
• In Heër-Mesjtreech geuf 't ein vastelaovesvereiniging De Sjraveleirs. Zuug hiejveur hunne website.
• De carnavalsvereniging va Maer heisj de Sjravelaere.