Augurk
Dit artikel is gesjreve (of begós) in 't Mofers.
Laes hie wie v'r mit de versjillende saorte Limburgs ómgaon.
De augurk of guurk behuuertj juus wie de kómkómmer toete saort Cucumis sativus, mer 't zeen gans anger rasse. De augurk maag geine smaak van zichzelf höbbe; de kómkómmersmaak mót gans óntbraeke.
De teelt vindj vlakveldsj of aan draod plaats. Vreuger waas kruutsbestuving nuuedig, mer allewiel guuef 't ouch bieje augurkrasse parthenocarpe rasse die zónger bestuving vröchzètte. De vröch is kórt en wuuertj euverwaegendj gebroek veur 't inlègken in aek, al dan neet mit sókker en versjillige gekruje veure smaak te beïnvloje.
De vröch mót 'n lingdje/diekdje-verhajing höbbe van óngevieër 3:1 en maag neet boekig, taps, wrattig of roew zeen. Versjillige sorteringen in vröchgruuedje waeren óngersjeie, wie "zieër fien", "fien" en "middelfien". De grótste vröchte waere gebroek veur zoer bómme. Ouch wuuertj de augurk gebroek veur 't make van rolmops.
De aeteswaerd oetgedrök de 100 gram augurk is:
| Energetische waerd | 33 kJ / 8 kcal |
| Koolhydraat | 1,3 gram |
| Eiwit | 0,6 gram |
| Vèt | 0,2 gram |
| Vitamine B1 | 0,02 mg |
| Vitamine B2 | 0,03 mg |
| Vitamine C | 7,5 mg |
| Calcium | 15 mg |
| Iezer | 0,5 mg |
This article uses material from the Wikipedia Limburgs article Augurk, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.