Johnny Blenco
Dit artikel is gesjreve (of begós) in 't Mestreechs.
Laes hie wie v'r mit de versjillende saorte Limburgs ómgaon.
Johnny Blenco, pseudoniem vaan Jef Vriezelaar (* 9 juni 1938, Mestreech - † 27 jannewarie 2020, Mestreech) waor 'ne Mestreechse zenger, producer en platebaas. Heer gebruukde ouch versjèllende aander naome veur zien plate oet te geve, boe-oonder Jan Petat, Boerke Naas, Guus Geluk, Johnny Hot, Jef Blaaskop, Hete Harrie en Willem de Wipper.
Heer waor groetgetrokke in 't Wittevrouweveld en waor de vaajer vaan Marjo Blenco. Blenco zóng dèks duètte mèt häör, soms ouch in 't Nederlands oonder de naom Het Noordzeeduo.
Alles bijein heet Johnny Blenco mie es 2500 leedsjes gesjreve, oonder aandere ouch veur Sjeng de Belsj en Hans Dupont. Heer scoorde in 1973 zien groetste succes mèt de plaat Op 't Vriethof op 'n Baank. In Mestreech woort heer ouch hiel bekind mèt zien keersplaat Keersmès roond de Vriethof. Ei vaan z'n lèste nommers waor 'ne carnavalsrap mèt Pikkatrillaz in 2007.
Johnny Blenco storf op 27 jannewarie 2020 op 81-jaorege leeftied nao al langen tied gezoondheidsprobleme te höbbe gehad.
Brónne
Externe link
Veur mie informasie kiek op de website.
This article uses material from the Wikipedia Limburgs article Johnny Blenco, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.