თეირანი (სპარს.
[tʰehˈɾu:n]) — ირანიშ ნანანოღა დო უდიდაში ნოღა, თაშნეშე აზიაშ ართ-ართი უდიდაში ნოღა. კინ თე ჯოხოდვალაშ მაღვენი ოსტანიშ ადმინისტრაციული ცენტრი რე, ქიანაშ პოლიტიკური, ეკონომიკური, სატრანსპორტო დო კულტურული ცენტრი. ნოღა იდვალუაფუ ქიანაშ ოორუეშე, ელბურსიშ ქჷნდჷრიშ ოსხირს, ზუღაშ დონეშე ოშქაშეთ 1200 მ სიმაღალას, დემავენდიშ გვალაშ კართეს. კასპიაშ ზუღაშ წყარპიჯიშ ობჟათეშე 90 კმ-ს. ნოღაშ ოორუე რაიონეფი ზუღაშ დონეშე 2000 მ-შახ იდვალუაფუ, ობჟათე ელახიანი ნორთი მეჭედელო აპონუ დაშტე-კავირიშ ტიოზის. კლიმატი სუბტროპიკული რე, კონტინენტური. გიშეგორუაფუ ერუანული დო კონფესიონალური აკოდგინალუაშ მიარეფერუამობათ. ნოღაშ თარ მახორობას აკმადგინანა სპარსელეფი, აზერბაიჯანარეფი დო მაზენდანერეფი. თარი რელიგია რე ისლამი. თეშ მოხ, თეირანს იშაყარუ შხუ ერუანული დო რელიგიური უმორჩილობეფი — სომეხეფი, ასურალეფი, ქურთეფი, ურიეფი, ბაჰაელეფი დო ზოროასტრიალეფი. თეირანიშ მახორობა (ნოღაშ გოხოლუეფწკჷმა ართო) 13 მილიონ ადამიერშე უმოსი რე.
თეირანი تهران
|
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |
This article uses material from the Wikipedia მარგალური (Margaluri) article თეირანი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.