მადაგასკარი, ოფიციალურო მადაგასკარიშ რესპუბლიკა (მალაგ.
République de Madagascar) დო დუდმაართაშე რჩქინელი, მუჭოთ მალაგასიშ რესპუბლიკა — კოკი სახენწჷფო ინდოეთიშ ოკიანეშ ბჟადალ ნორთის, ობჟათე-ბჟადალი აფრიკაშ წყარპიჯწკჷმა, ნამუშეთ გიშართილი რე მოზამბიკიშ საროტით. ქიანა იკენს კოკი მადაგასკარს დო ანდა მორჩილ პერიფერიულ კოკის, მოსოფელს რე ფართობიშ მეჯინათ მაანთხა უკაბეტაში კოკი, მაჟირა უკაბეტაში კოკი სახენწჷფო დო 44-ა უკაბეტაში სახენწჷფო. ფართობი — 587 041 კმ², მახორობა — 28,812,195 ადამიერი (2023). ნანანოღა დო უკაბეტაში ნოღა — ანტანანარივუ.
მადაგასკარიშ რესპუბლიკა Repoblikan'i Madagasikara République de Madagascar Republic of Madagascar მადაგასკარი | ||||||
---|---|---|---|---|---|---|
დევიზი: "Fitiavana, Tanindrazana, Fandrosoana" (მალაგ.) "Amour, patrie, progrès" (ფრან.) "ჸოროფა, ოდაბადე, პროგრესი" | ||||||
ჰიმნი: Ry Tanindrazanay malala ô! | ||||||
ნანანოღა (დო უკაბეტაში ნოღა) | ანტანანარივუ / | |||||
ოფიციალური ნინა(ეფი) | მალაგასიური ფრანგული | |||||
თარობა | უნიტარული, გვერდო-საპრეზიდენტო რესპუბლიკა | |||||
- | პრეზიდენტი | ანდრი რაძოელინა | ||||
- | პრემიერ-მინისტრი | კრისტიან ნცაი | ||||
ფართობი | ||||||
- | გვალო | 587,041 კმ2 (47-ა) | ||||
- | წყარი (%) | 0.009 | ||||
მახორობა | ||||||
- | 2023 ფასებათ | 28,812,195 (52-ა) | ||||
- | მეჭედალა | 47.7 ად/კმ2 | ||||
ედპ (ჸუპ) | 2023 ფასებათ | |||||
- | გვალო | $56.754 მილიარდი (117-ა) | ||||
- | ართ მახორუშე | $1,906 (182-ა) | ||||
აგი (2021) | 0.501 (დაბალი) (143-ა) | |||||
ვალუტა | მადაგასკარიშ არიარი (MGA ) | |||||
ბორჯიშ ორტყაფუ | UTC+3 | |||||
ქიანაშ კოდი | MDG | |||||
Internet TLD | .mg | |||||
ოტელეფონე კოდი | +261 |
სუპერკონტინენტი გონდვანაშ ისტორიაშახიანი აკოცჷმაშ უკული, მადაგასკარქ დეთხჷ აფრიკას ორდოიან იურულ პერიოდის, დოხოლაფირო 180 მილიონ წანაშ კინოხ, თაშნეშე დეთხჷ ინდოეთიშ სუბკონტინენტის დოხოლაფირო 90 მილიონ წანაშ კინოხ, თეშნერო აბანობურ ჩანარეფს დო ჩხოლარეფს ელაზჷმაფათ იზოლირაფილო გოვითარაფაშ შილებუამობაქ ქემიაჩეს; ომანგეთ, მადაგასკარი რე ბიოანდაფერუანობაშ ჩხე ჭურჭული დო მოსოფელიშ 17 ქიანაშე ართ-ართი მეგაბიოანდაფერუანობათ, სოდე ტყარი ორთაშ 90%-შე უმოსი ენდემური რე. კოკის სუბტროპიკული ვარ-და ტროპიკული ზუღაშური კლიმატი რე. მადაგასკარს პირველო დიხორეს ავსტრონეზიალ კათეფქ ჩქ. წე. პირველი ვითოშწანურაშ ოშქაშე წანეფს ვარ-და უწოხოლაშე, ნამუეფქჷთ ორჩანიეთ მორთეს კანოეთ თეხანური ინდონეზიაშე. დოხოლაფირო IX ოშწანურას, თინეფს ქაკათეს ბანტუშ კათაქ, ნამუეფქჷთ გეგნონჩურეს მოზამბიკიშ საროტი ბჟაეიოლ აფრიკაშე. შხვა კათეფიშ ბუნა ბორჯიშე ბორჯიშა იხორუდჷ მადაგასკარს, დო თინეფშე ირს შანულამი თია მიშმუღუდჷ მალაგასიურ კულტურულ რინაშა. ომანგეთ, მალაგასიურ ეთნიოკურ ბუნას შხირა რთჷნა 18 დო უმოს გიმენბუნათ, ნამუეფშე უკაბეტაში რე ცენტრალური ლაკადაშ მახორუ კათა — მარინა.
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |
This article uses material from the Wikipedia მარგალური (Margaluri) article მადაგასკარი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.